13 ناۋرىزدا كەشكى ۋاقىتتا ءال-فارابي داڭعىلىنىڭ بويىندا، شاشكين كوشەسى مەن Esentai Mall ساۋدا ورتالىعىنىڭ اراسىندا جانتۇرشىگەرلىك جول اپاتى بولدى، - دەپ حابارلايدى Qamshy.kz اقپارات اگەنتتىگى ستۆ تەلەارناسىنا سىلتەمە جاساپ.
باتىس باعىتتا جوعارى جىلدامدىقپەن كەلە جاتقان Audi جۇرگىزۋشىسى كولىك تىزگىنىنە يە بولا الماي، جولدىڭ بويىندا تۇرعان زيل-عا بارىپ سوعىلعان. جول اپاتىنىڭ سالدارىنان ءبىر ايەل ادام مەن ونىڭ 2-3 جاسار بالاسى قازا تاپتى.
جولداعى جۇمىسشىلاردىڭ ءبىرى اۋىر جاعدايدا اۋرۋحاناعا جەتكىزىلدى. وقيعا ورنىنا جەدەل قىزمەت وكىلدەرى مەن كريميناليستەر باردى. ءال-فارابي داڭعىلىنىڭ باتىس بولىگى قورشاۋعا الىندى. وقيعانىڭ ءمان-جايى انىقتالىپ جاتىر.
