وسىدان ءبىراز ۋاقىت بۇرىن الماتىلىق ابزال مولدابەك  ءوزىنىڭ الماتى وبلىسى، تالعار اۋدانى، نۇرا اۋدانىنداعى 8 سوتىق جەرىن قازاق ازاماتىنا تەگىن بەرەتىنىن ايتقان ەدى. بۇل تۋرالى ول ءوزىنىڭ فەيسبۋك پاراقشاسىنا جاريالادى. اتالعان 8 سوتىق جەردى العىسى كەلگەن ازامات بيىل جازدا ءۇيدىڭ ىرگەتاسىن قالاۋعا شاماسى جەتۋى كەرەك بولاتىن.  بۇگىن ابزال مولدابەك 8 سوتتىق تەگىن جەردى كىمگە بەرگەنىن ءوزىنىڭ الەۋمەتتىك پاراقشاسىنا جازدى.

«8 سوتىق جەرىمدى ەرجان دەگەن اعاعا تابىستادىم. بۇل كىسىنى تاڭداعان سەبەبىم كوپ. ايگۇل جەڭگەمىزبەن وتاسقان سوڭ، جەڭگەمىزدىڭ اناسى ، كەيىن اكەسى قايتىس بولعان. وتباسىندا 10 قىز جەتىم قالعان. ەرجان اعا سول 10 قىزعا وسى ۋاقىتقا دەيىن اكە ورنىنا اكە بولىپ، وقۋعا ءتۇسىرىپ، تاربيەلەپ، 5 قىزدى ۇزاتقان. ءقازىر 5 قىزدى وقىتىپ وتىر. ءوزىنىڭ 4 بالاسى بار. بۇگىن جۇمىس كۇنى بولعاندىقتان جەڭگەمىز، وقۋداعى قىزدارى مەن بالالارىنىڭ ءبىرازى كەلە المادى. بۇل كىسىگە قاتتى ريزا بولدىم، ءقازىر ءبىر ايەلىن باعا المايتىندار بار، ال بۇل كىسى 10 جەتىم بالانى قامقورلىعىنا الىپ، ءوزىنىڭ بالالارىنداي قاراپ ءجۇر. پاتەر جالداپ تۇرىپ ابدەن قاجىعان، اقشاسى جينالمايدى. قاي جەردە بولماسىن وسىنداي وتباسىعا پاتەر جالداۋ وڭاي ەمەس ەكەنىن بىلەسىزدەر عوي. كەشە جەردى اپارىپ كورسەتتىم، ۇناتتى. جەرىمدى سىزگە بەرەمىن دەگەن سوڭ قۋانىشتان تۇنىمەن ۇيىقتاماعانىن ايتتى اعامىز»، — دەپ جازدى ابزال مولدابەك.