ەكس-مينيستر قۋاندىق بيشىمبايەۆتىڭ جارى نازىم بيشىمبايەۆا كۇيەۋىنە قاتىستى شىعارىلعان سوت ۇكىمىن اپەللياسياعا بەرمەك. بۇل جايىندا ratel.kz جازادى.

— مەن سوت شەشىمىنە تاڭقالدىم . ءبىز ۇكىممەن  كەلىسپەيمىز. مەن جانە مەنىڭ كۇيەۋىم سوت بارلىق جاعدايدى ەسكەرمەدى دەپ سانايمىز. ءبىز كەلىسپەيمىز. ءبىز شاعىم بەرەمىز. (...) نۇرلىبەك تە، ول دا جازاعا لايىق ەمەس. ءبىز اقتالىپ شىعۋعا ۇمىتتەنەمىز. بۇل نە سۇمدىق؟ ول ىستەمەگەن ءىسى ءۇشىن سوتتالىپ جاتىر، - دەدى سوت وتىرىسىنان كەيىن 14 ناۋرىزدا  جۋرناليستەرگە نازىم بيشىمبايەۆا.

ايتا كەتسەك، استانا سوتى بۇرىنعى ۇلتتىق ەكونوميكا ءمينيسترى، سىبايلاس جەمقورلىق ايىبى تاعىلعان قۋاندىق بيشىمبايەۆتى 10 جىلعا سوتتادى. 

سۋديا قۋاندىق بيشىمبايەۆتى قىلمىستىق كودەكستىڭ 28-بابىنىڭ 3ء-بولىمى ("قىلمىستىق قۇقىق بۇزۋشىلىق جاساۋدى ۇيىمداستىرعان نەمەسە ونىڭ ورىندالۋىنا باسشىلىق ەتۋ، سول سياقتى قىلمىستىق توپتى قۇرۋ نە وعان باسشىلىق ەتۋ")، 189-بابى 4ء-بولىمىنىڭ 2-تارماعى ("توپ بولىپ نەمەسە استىرتىن ءسوز بايلاسىپ، سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋدى ۇيىمداستىرۋ") بويىنشا ايىپتى دەپ تانىدى. سوت سونىمەن قاتار بيشىمبايەۆتى مەملەكەتتىك باسشىلىق قىزمەتتى اتقارۋ قۇقىعىنان ءومىرباقيعا ايىرىپ، قىلمىستىق جولمەن الىنعان مۇلكىن تاركىلەۋگە ۇكىم كەستى. سوت بۇعان قوسا پرەزيدەنتتىڭ اتىنا ەكس-مينيستردى مەملەكەتتىك "قۇرمەت" وردەنىن قايتارىپ الۋ تۋرالى ۇسىنىس جاساۋعا ۇيعاردى.