48 جاستاعى امانتاي ۇسەنوۆ اقتوبەدە 11 جاستاعى بالانى قاعىپ كەتتى دەپ حابارلايدى Qamshy.kz اقپارات اگەنتتىگى diapazon.kz-كە سىلتەمە جاساپ. وقيعا ساعات 12.55-تە، 2018 جىلى 31 قاڭتاردا بولدى.

جۇرگىزۋشى بەرسييەۆ پەن نەكراسوۆ كوشەلەرىنىڭ قيىلىسىندا جاياۋ جۇرگىنشىلەر جولىندا بالانى قاعىپ كەتكەن. بىرنەشە ساعاتتان كەيىن بالا كوز جۇمدى.

زيل اۋىر جۇك كولىگىنىڭ جۇرگىزۋشىسى سوتتا ءوز كىناسىن مويىندادى. ول ۋاقىتتا زارەچنىي اۋىلىنا ساعاتىنا 30 شاقىرىم جىلدامدىقپەن جۇرگەنىن ايتتى. "اۆتوسەرۆيس"  ايالداماسىنا جەتكەندە جىلدامدىقتى تۇسىرگەن، جاياۋ جۇرگىنشىلەرگە ارنالعان جولعا ءۇش مەتر قالعاندا بالانى بايقاعان. 11 جاستاعى بالا جان جاعىنا قاراماي، جولدان جۇگىرىپ وتكەنىن ايتادى. جۇرگىزۋشىنىڭ ايتۋىنشا، ول ەشقانداي ارەكەت ەتىپ ۇلگەرمەگەن.  

كولىكتەن ءتۇسىپ، زارداپ شەككەن بالاعا جۇگىرىپ بارعان. ول جولدا ەستۇسسىز جاتقان. جەدەل جاردەمدى كۇتپەي، بالا جەڭىل كولىكپەن اۋرۋحاناعا جەتكىزىلدى.

سوت جۇرگىزۋشىنى كىنالى دەپ تاۋىپ 2 جىلعا شارتتى تۇردە سوتتادى جانە كولىك جۇرگىزۋگە تىيىم سالدى.