ورتالىق سايلاۋ كوميسسياسى مۇگەدەكتەردىڭ سايلاۋ قۇقىقتارىن جۇزەگە اسىرۋ ماسەلەلەرى بويىنشا دوڭگەلەك ۇستەل وتكىزدى، دەپ جازادى Qamshy.kz اقپارات اگەنتتىگى.

2018 جىلعى 15 ناۋرىزدا قازاقستان رەسپۋبليكاسى ورتالىق سايلاۋ كوميسسياسى ەقىۇ استاناداعى باعدارلامالار وفيسىمەن بىرگە  «قازاقستان رەسپۋبليكاسىنداعى مۇمكىندىكتەرى شەكتەۋلى ازاماتتاردىڭ سايلاۋ قۇقىعىن جۇزەگە اسىرۋ ماسەلەلەرى: قازاقستاندىق جانە حالىقارالىق تاجىريبە» اتتى دوڭگەلەك ۇستەل وتكىزدى.

دوڭگەلەك ۇستەلدى وتكىزۋدىڭ باستى ماقساتى سايلاۋ جانە رەفەرەندۋم كەزىندە قازاقستان رەسپۋبليكاسىنداعى مۇگەدەك ساناتىنداعى ازاماتتاردىڭ سايلاۋ قۇقىقتارىنىڭ جۇزەگە اسىرىلۋىن قامتاماسىز ەتۋ ماسەلەلەرىن، سونداي-اق سايلاۋ قۇقىقتارىن جۇزەگە اسىرۋدىڭ جاڭا مۇمكىندىكتەرى مەن تاجىريبەلەرىن قاراستىرۋ بولىپ تابىلادى.

قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى ب. يماشيەۆ قازاقستان رەسپۋبليكاسى كوسنتيتۋسياسى بويىنشا ءاربىر ازاماتقا سايلاۋ جانە سايلانۋ قۇقىعىنا كەپىلدىك بەرىلەتىنىن اتاپ ءوتتى. سايلاۋ ورگاندارى مۇمكىندىگى شەكتەۋلى ازاماتتاردىڭ سايلاۋ پروسەسستەرىنە تولىققاندى قاتىسۋلارىن قامتاماسىز ەتۋى ءتيىس.

سونىمەن قاتار، ب.يماشيەۆ ورتالىق سايلاۋ كوميسسياسىمەن مۇمكىندىكتەرى شەكتەۋلى ازاماتتاردىڭ قۇقىتارىنىڭ ساقتالۋ ستاندارتىنا سايكەس سايلاۋ قۇقىقتارىن جۇزەگە اسىرۋى ءۇشىن ارنايى جاعدايلار جاساۋ ماقساتىمەن قىزعۋشىلىق تانىتقان مەملەكەتتىك جانە مەملەكەتتىك ەمەس ۇيىمدارعا مەتوديكالىق، ۇيلەستىرۋشى كومەك كورسەتۋگە ءىس-شارالار جيىنتىعىنىڭ جۇزەگە اسىرىلاتىنىن ايتتى.

سونداي-اق ءىس-شارادا ەقىۇ استاناداعى باعدارلامالار ءوفيسى باسشىسى د. سابو، ق ر ورتسايلاۋكوم مۇشەسى ل.سۇلەيمەن، ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى س.جاقىپوۆا، ق ر پارلامەنتى ءماجىلىسىنىڭ دەپۋتاتى، «قازاقستان مۇگەدەكتەر كونفەدەراسياسى» رقب پرەزيدەنتى ج.وماربەكوۆا. ەقىۇ/دياقب-نىڭ سايلاۋ ماسەلەلەرى بويىنشا ساراپشىسى پ.كاباچەنكو، «مۇگەدەك ايەلدەردىڭ «شىراق» اسسوسياسياسى» ءقب-نىڭ ءتورايىمى ل.قالتايەۆا ءسوز سويلەدى.

دوڭگەلەك ۇستەل بارىسىندا مۇگەدەكتەردىڭ سايلاۋ قۇقىقتارىن جۇزەگە اسىرۋداعى جاڭا مۇمكىندىكتەرى، ونىڭ ىشىندە سايلاۋ ۋچاسكەلەرىن جانە عيماراتتارىن جابدىقتاۋ كەزىندە مۇمكىندىكتەرى شەكتەۋلى ازاماتتاردىڭ قۇقىقتارى ساقتالۋى بويىنشا ستاندارتتارعا سايكەس كەدەرگىسىز جاعدايدىڭ جاسالۋ شارالارى تالقىلاندى. 

سونداي-اق، دوڭگەلەك ۇستەل جۇمىسىنا ق ر وسك مۇشەلەرى، ق ر پارلامەنتى ءماجىلىسىنىڭ دەپۋتاتتارى، ەڭبەك جانە حالىقتى الەۋمەتتىك قورعاۋ، ادىلەت مينيسترلىگىنىڭ، ورتالىق جانە جەرگىلىكتى اتقارۋشى ورگانداردىڭ، وبلىستىق، استانا جانە الماتى قالالارىنىڭ اۋماقتىق سايلاۋ كوميسسسيالارىنىڭ، ق ر ادام قۇقىقتارى جونىندەگى ۇلتتىق ورتالىقتىڭ، حالىقارالىق ۇيىمداردىڭ، قر-داعى ديپلوماتيالىق ميسسيالاردىڭ، مۇگەدەكتەر قوعامدىق بىرلەستىكتەرىنىڭ وكىلدەرى قاتىستى.