التىن شوكولاد جانە جەۋگە بولاتىن گاۋھار تاستارمەن كومكەرىلگەن كوكتەيلدىڭ باعاسى لوندون بارلارىنىڭ بىرىندە 100 فۋنت ستەرلينگ تۇرادى دەپ حابارلايدى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الا وتىرىپ.
ايرىقشا كوكتەيلدى چەلسيدە ورنالاسقان The Bletchley bar بارىنان تابا الاسىز. ويىن-ساۋىق ورنىنىڭ ىشكى ينتەرەرى ەكىنشى دۇنيەجۇزىلىك سوعىس ۋاقىتىن ەسكە سالادى.
«كورول گەورگ VI» اتتى سۋسىننىڭ نەگىزى – ءۇش ءتۇرلى ليكەرمەن ارالاستىرىلعان دجين. سونىمەن قاتار، ليمون فرەشى، بيتتەر لەمون، جيدەكتەر، گيبيسكۋس پەن اپەلسين قابىعى قوسىلادى.
قۇرعاق مۇزبەن سالقىنداتىلعان كوكتەيلدىڭ ۇستىنەن ماسكارپونە كوبىگىمەن تولتىرىپ، التىن شوكولاد جانە جەۋگە جارامدى گاۋھار تاستارمەن بەزەندىرەدى، كارامەل دە قوسادى. ەرەكشە سۋسىندى دايىنداۋعا جارتى ساعاتتان استام ۋاقىت كەتەدى ەكەن.
