باس پروكۋروردىڭ تاپسىرماسى بويىنشا ارنايى پروكۋرور وڭتۇستىك قازاقستان وبلىسىنىڭ كىشكەنتاي تۇرعىنىنا قاتىستى زورلىق ارەكەتتەرى تۋرالى ارىز بويىنشا سوتقا دەيىنگى تەرگەپ-تەكسەرۋدى ءوز وندىرىسىنە قابىلدادى، دەپ حابارلايدى Qamshy.kz اقپارات اگەنتتىگى ق ر باس پروكۋراتۋرانىڭ باسپا ءسوز قىزمەتىنە سىلتەمە جاساپ.  

«قىلمىستىق-پروسەستىك كودەكسكە سايكەس، كامەلەتتىك جاسقا تولماعانداردىڭ قۇقىعىن ساقتاۋ جانە ورىن العان وقيعانىڭ ءمان-جايىن انىقتاۋ ماقساتىندا بارلىق قاجەتتى شارالار قابىلدانۋدا. 

پروسەستىڭ بارلىق قاتىسۋشىلارىنىڭ ءوتىنىشحاتتارى نەگىزىندە كەشەندى سوت-مەديسينالىق ساراپتاماعا كاسىبي ماماندار جۇمىلدىرىلاتىن بولادى. 

قىلمىستىق ءىستىڭ تەرگەلۋ بارىسى باس پروكۋراتۋرانىڭ باقىلاۋىندا. ءىستىڭ فيگۋرانتتارى ءجاسوسپىرىم بولعاندىقتان، قىلمىستىق-پروسەستىك كودەكستىڭ 532-بابىنا سايكەس، كامەلەتكە تولماعانداردىڭ قۇپيالىلىققا دەگەن قۇقىقتارىن ساقتاۋ قاجەتتىگىن ەسكەرتەمىز»، - دەلىنگەن ۆەدومستۆو حابارلاماسىندا. 

جەكە ءومىر تۋرالى مالىمەتتەردى كوپشىلىك الدىندا، سونىمەن قاتار بۇقارالىق اقپارات قۇرالدارىن قولدانۋ ارقىلى جاريا ەتكەن ءۇشىن قىلمىستىق كودەكستىڭ 147-بابى بويىنشا قىلمىستىق جاۋاپكەرشىلىك قاراستىرىلعان.

تەرگەۋ ناتيجەسى تۋرالى اقپارات جاسوسپىرىمدەردىڭ قۇقىعى مەن زاڭدى مۇددەلەرىن ەسكەرە كەلە، قوعام نازارىنا ءتيىستى كولەمدە جەتكىزىلەدى.