ەلوردامىزدىڭ «Hilton» قوناقۇيىندە وتكەن كەزەكتەن تىس كونفەرەنسيانىڭ كۇن تارتىبىندە ەكى ماسەلە قاراستىرىلدى:

 1. ق ر جەڭىل اتلەتيكا فەدەراسياسىن بۇعان دەيىن باسقارعان جاقسىبەكوۆ ادىلبەك رىسكەلدى ۇلىنىڭ وكىلەتتىلىگىن مەرزىمىنەن بۇرىن توقتاتۋ؛

2. ق ر جەڭىل اتلەتيكا فەدەراسياسىنىڭ جاڭا پرەزيدەنتىن سايلاۋ.

وسىلايشا، اتقارۋ كوميتەتى مۇشەلەرىنىڭ ءبىراۋىزدى شەشىمىمەن ادىلبەك جاقسىبەكوۆتىڭ وكىلەتتىلىگى مەرزىمىنەن بۇرىن توقتاتىلىپ، ونىڭ ورنىنا ق ر جەڭىل اتلەتيكا فەدەراسياسىنىڭ پرەزيدەنتى بولىپ احمەتوۆ دانيال كەنجەتاي ۇلى سايلاندى.

– ماعان سەنىم بىلدىرگەندەرىڭىزگە راحمەت! ادىلبەك رىسكەلد ۇلى باسقارعان ءبىر جىلدىڭ ىشىندە از شارۋا اتقارىلعان جوق. ەندى سول باستامالاردى ارى قاراي جالعاستىرىپ، قازاقستان جەڭىل اتلەتيكا فەدەراسياسىن دامىتۋعا تىرىسامىز. الدىمىزعا قويعان ماقساتتارىمىز وتە كوپ. ماسەلەن، ءبىرىنشى رەتتە سپورتتىق ينفراقۇرىلىمداردى جەتىلدىرۋدى كوزدەيمىز. جاقىن ۋاقىتتا جەڭىل اتلەتيكاعا بەيىمى بار بارلىق وڭىرلەردىڭ اكىمدەرىمەن كەزدەسىپ، سول ايماقتاردىڭ جەڭىل اتلەتيكا سپورتىن دامىتۋ جولدارىن قاراستىرامىز. سونىڭ ىشىندە، كەلەسى جىلى سەمەي قالاسىندا ۇلتتىق قۇرامالار بازاسى دايىن بولادى، - دەدى دانيال كەنجەتاي ۇلى.   

سونداي-اق، كەزەكتەن تىس كونفەرەنسيادا ق ر جەڭىل اتلەتيكا فەدەراسياسى اتقارۋ كوميتەتىنىڭ جاڭا مۇشەلەرى بەكىتىلىپ، ادىلبەك جاقسىبەكوۆ اتقارۋ كوميتەتىنىڭ قۇرامىنا ەندى.

احمەتوۆ دانيال كەنجەتاي ۇلى 1954 جىلى 15 ماۋسىمدا پاۆلودار قالاسىندا دۇنيەگە كەلگەن.

1976 جىلى پاۆلودار يندۋستريالدى ينستيتۋتىن بىتىرگەن. ماماندىعى بويىنشا ينجەنەر-قۇرىلىسشى.

ەكونوميكا عىلىمىنىڭ دوكتورى، قازاقستان رەسپۋبليكاسى مينەرالدى رەسۋرستار اكادەمياسىنىڭ اكادەميگى. 

ەڭبەك جولى:

1976-1981 جج. - «پاۆلودار تۇرعىنقۇرىلىس» ترەسىندە ماستەر؛

1981–1983 جج. - ەكىباستۇز قالالىق پارتيا كوميتەتىندە نۇسقاۋشى؛

1983–1987 جج. - «ەكىباستۇزشاحتاقۇرىلىس» كومبيناتىندا باس ينجەنەردىڭ ورىنباسارى، پارتكوم حاتشىسى؛

1987–1991 جج. - ەكىباستۇز قالالىق اتقارۋ كوميتەتى ءتوراعاسىنىڭ ورىنباسارى؛

1991-1992 جج. - «ەكىباستۇز ەنەرگوتۇرعىنوندىرىسقۇرىلىس» ترەستىنىڭ باسقارۋشىسى؛

1992-1993 جج. - ەكىباستۇز قالالىق اكىمشىلىگىنىڭ باسشىسى؛

1993-1997 جج. – اكىمشىلىك باسشىسى، پاۆلودار وبلىسىنىڭ اكىمى؛

12.1997-10.1999 جج. - سولتۇستىك قازاقستان وبلىسىنىڭ اكىمى؛

10.1999-21.12.2000 جج. - قازاقستان رەسپۋبليكاسى پرەمەر-مينيسترىنىڭ ورىنباسارى؛

21.12.2000-21.11.2001 جج. - قازاقستان رەسپۋبليكاسى پرەمەر-مينيسترىنىڭ ءبىرىنشى ورىنباسار؛

21.11.2001-13.06.2003 جج. - پاۆلودار وبلىسىنىڭ اكىمى؛

13.06.2003-08.01.2007 جج. - قازاقستان رەسپۋبليكاسىنىڭ پرەمەر-مينيسترى؛

10.01.2007-17.06.2009 جج. - قازاقستان رەسپۋبليكاسىنىڭ قورعانىس مينيسترi؛

12.2010 جىلدان – ەكولوگيالىق ەنەرگەتيكا سالاسىنداعى كومپانيالىڭ باسشىسى؛

2012-11.2014 جج. – ەنەرگەتيكا جانە ينفراقۇرىلىم ءمينيسترى؛

2014 جىلعى 11 قاراشادا شىعىس قازاقستان وبلىسىنىڭ اكىمى بولىپ تاعايىندالدى.

ماراپاتتارى:

«بارىس» 2ء-ى دارەجە (2004)، «بارىس» 3ء-ى دارەجە (1999)، «قۇرمەت بەلگىسى» (1986)؛ «قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ» (2012) وردەندەرى جانە «استاناعا 10 جىل» اتتى مەرەيتويلىق مەدالى (01.07.2008).