رەسەي فەدەراسياسىندا سايلاۋ الدىنداعى ۇگىت جۇمىستارىنا تىيىم سالىنعان تىنىشتىق كۇنى ءوتىپ جاتىر، دەپ حابارلايدى Qamshy.kz اقپارات اگەنتتىگى تاسس-قا سىلتەمە جاساپ.

«رف پرەزيدەنتىن سايلاۋ تۋرالى» زاڭعا سايكەس، تەلەارنالار مەن راديولاردا، باسپاسوزدەر مەن جەلىلىك باسپالاردا جەرگىلىكتى ۋاقىت بويىنشا ساعات 00:00-دەن باستاپ ۇگىت-ناسيحات جۇمىستارى توقتاتىلادى. ۇمىتكەرلەر مەن پارتيالار 17 ناۋرىز كۇنى ۇگىت جۇرگىزبەيتىن بولادى.

ولار شەرۋ نەمەسە سايلاۋشىلارمەن كەزدەسۋ وتكىزىپ، ۇگىت پاراقشالارىن تاراتا المايدى. ازاماتتار سايلاۋشىلاردىڭ جايلىلىعى ءۇشىن مۇنداي زاڭناما ءبىرقاتار الەم ەلدەرىندە دە ەنگىزىلگەن. ورتالىق سايلاۋ كوميتەتىنىڭ حاتشىسى ماييا گريشينا جۇمادا تىنىشتىق كۇنى ۇگىت، سايلاۋعا بايلانىستى لوتورەيالار جۇرگىزۋگە بولمايتىنىن ەسكەرتتى.  

بۇل تىيىمنىڭ ورتالىق سايلاۋ كوميتەتى مەن ايماقتىق كوميسسيالاردىڭ سايلاۋعا قاتىسۋ تۋرالى ۇگىت جۇمىسىنا قاتىسى جوق. تىنىشتىق كۇنىنەن كەيىن داۋىس بەرۋ كۇنى باستالادى. ول ۋاقىتتا دا ۇگىت جۇمىستارىن جۇرگىزۋگە تىيىم سالىنعان. تىيىم 18 ناۋرىز كۇنگى 21:00-گە دەيىن، كالينينگراد وبلىسىنىڭ ەڭ سوڭعى سايلاۋ ۋچاسكەسى جابىلعانعا دەيىن كۇشىندە بولادى.