رف ورتالىق سايلاۋ كوميسسياسىنىڭ حاتشىسى ماييا گريشينا رف وسك اقپاراتتىق انىقتامالىق ورتالىققا كوپتەگەن حاكەرلىك شابۋىلدار جاسالىپ جاتقانىن ايتتى، دەپ حابارلايدى Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الا وتىرىپ.
«ءقازىردىڭ وزىندە اقپاراتتىق انىقتامالىق ورتالىققا ءتۇسىپ جاتقان كۇش بىرنەشە ەسە ارتتى دەۋگە بولادى، ولاردىڭ اراسىندا حاكەرلىك شابۋىلداردى انىقتاپ جاتىرمىز»، - دەيدى م. گريشينا. كوميسسيا حاتشىسى ورتسايلاۋكومنىڭ سايتىنا 15 ەلدەن شابۋىل تىركەلگەنىن ايتتى.
رف ورتالىق سايلاۋ كوميسسياسىنىڭ باسشىسى ەللا پانفيلوۆانىڭ سوزىنە قاراعاندا، ازاماتتار داۋىس بەرۋ تىزىمىنەن وزدەرىنىڭ ءاتى-جونىن تابا الماي جاتقانىن ايتىپ شاعىمدانۋدا. ولار تۇرعىلىقتى مەكەنجايلارى بويىنشا داۋىس بەرۋ تۋرالى بىرنەشە رەت ءوتىنىش تە جازىپ ۇلگەرگەن. پانفيلوۆا، سونىمەن قاتار، بىردەن ارتىق مارتە داۋىس بەرۋگە ۇمتىلعان ازاماتتار اكىمشىلىك جانە قىلمىستىق جاۋاپقا تارتىلۋى مۇمكىن ەكەنىن ەسكەرتتى.
