قوعام قايراتكەرى ارۋجان ساين ءوزىنىڭ Facebook پاراقشاسىندا اباي اۋىلىنىڭ 7 جاستاعى تۇرعىنىنا قاتىستى اقپارات جاريالادى، دەپ حابارلايدى Qamshy.kz اقپارات اگەنتتىگى. 

«1. 16 ناۋرىزدا اناسى  بالانى «اسىل بالا» ورتالىعىنان الىپ كەتتى. ولار ۋاقىتشا «انالار ۇيىندە» قالۋدى ۇيعاردى.

2. بالانىڭ اناسى مەملەكەتتىك قورعاۋدان باس تارتپادى.

3. 17 ناۋرىزدا بالا مەن اناسى رەسمي وكىلمەن ق ر باس پروكۋراتۋراعا باردى.

4. 17 ناۋرىزدا وقو پوليسياسىنىڭ مەملەكەتتىك قورعانىسىن استاناعا اۋىستىردى.

5. 19 ناۋرىزدا تەرگەۋ ارەكەتتەرى جالعاسادى.
6. 16 ناۋرىزدا بالانىڭ اپكەسى مەن اجەسى بالانىڭ اناسىمەن جانە بالامەن بارمادى. باسىندا ولاردىڭ وتباسىمەن كەلەتىنىنە سەنىمدى ەدىك.

7. اجەسىن 17 ناۋرىزدا «اسىل بالادان» استانادا تۇراتىن تۋىسى الىپ كەتتى. بالانىڭ اناسىنىڭ ايتۋىنشا، تۋىسى اجەسىنەن بالاعا بەلگىسىز بىرەۋ الىپ بەرگەن بارلىق ويىنشىقتى «اسىل بالادا» قالدىرۋدى سۇراعان. سودان بەرى اجەسى مەن اپكەسىنىڭ تەلەفونى قوسۋلى بولدى. ولار قۇرمانعازى مەن تۋىستارىمەن بايلانىستا بولدى.

8. 18 ناۋرىزدا اجەسى مەن اپكەسى جولعا شىعار الدىندا پاكەتىن تاستاپ كەتكەندىكتەن «اسىل بالاعا» سوعۋدى سۇراعان. اعاسىن ىشكە كىرگىزبەگەن. ءبىر جارىم ساعات كۇتىپ، توڭىپ قالعاننان كەيىن اعاسى بالانىڭ اناسىنا حابارلاستى. بالانىڭ اجەسى مەن تاتەسىنىڭ تەلەفونى قايتا ءوشىپ قالعان.

9. اناسى دا بالانىڭ اجەسىنە قوڭىراۋ شالا الماعاندىقتان، زاڭگەرگە حابارلاسىپ، بىزدەن اناسىنىڭ جاعدايىن ءبىلىپ بەرۋدى ءوتىندى. زاڭگەر باۋىرجان ازانوۆ پروكۋراتۋراعا حابارلاستى.

10. وتباسىنىڭ زاڭدى وكىلى قۇرمانعازى «اسىل بالاعا» كەلدى. وندا ونى بلوگەرلەر مەن باسقا دا ادامدار قارسى الدى. بالانىڭ اجەسى مەن اپكەسى «اسىل بالا» ورتالىعىندا شاي ءىشىپ وتىرعانى انىقتالدى. سول ۋاقىتتا اعاسىن نەلىكتەن كىرگىزبەگەنى تۇسىنىكسىز.

11. بالانىڭ اجەسى مەن اپكەسى ورتالىقتان شىعىپ، تۋىستارىنىڭ ۇيىنە كەتتى. وندا بالانىڭ اناسىمەن كەزدەستى. اجەنىڭ تەلەفونى قايتا ىسكە قوسىلدى.

12. ءقازىر زاڭگەر، بالا مەن انانىڭ زاڭدى وكىلى تەرگەۋ جۇمىستارى ءۇشىن قاجەتتى جۇمىسىن ىستەپ جاتىر.

13. بالانىڭ تۋىستارى مەن حالىقتان كومەك سۇراۋعا كومەكتەسكەندەرگە قاتىستى قاۋىپسىزدىك شارالارى قابىلدانادى.

14. ق ر باس پروكۋراتۋراسى وقو ءبىلىم بەرۋ مەكەمەلەرى، وقو ءىىد، وقو پروكۋراتۋراسىنىڭ ارەكەت ەتپەۋ، قىلمىستى جاسىرۋ، ءوز لاۋازىمدارىن اسىرا پايدالانۋ بويىنشا تەكسەرۋ جۇمىستارىن باستادى.

15. بالانىڭ اناسى شوشىپ قالعان. ءوزىنىڭ زاڭدى وكىلدەرىنەن باسقا ەشكىمگە سەنبەيدى. سوندىقتان اناسى بالاعا بىرەۋدىڭ ساتىپ بەرگەن تەلەفون/پلانشەتىن «اسىل بالادا» تاستاپ كەتتى. اناسى وعان جاڭاسىن الىپ بەرۋگە ۋادە بەردى. بالا قاتتى جىلاعان بولاتىن. بالاعا جاڭا پلانشەت ساتىپ بەردى.

16. اناسى بالاسى ەكەۋىن تانىس ەمەس ادامدارمەن سويلەستىرمەۋدى سۇرادى. ولاردىڭ اراسىندا قوعام قايراتكەرلەرى مەن بلوگەرلەرگە دە بار» دەپ جازدى ارۋجان ساين.

ارۋجان ساين بالاعا كومەكتەسكىسى كەلەتىندەردىڭ كوپ ەكەنىن ايتادى. ولار اناسى، اجەسى جانە بالانىڭ زاڭدى وكىلدەرىنىڭ استاناعا بارۋ جول اقىسىن تولەگەنىن جەتكىزدى

بالا مەن انانىڭ جانىندا پسيحولوگ گۇلزات اسانوۆا دا بار.

ارۋجان ساين ەل باسشىلىعىنا العىسىن ءبىلدىردى.

«ءىستى باس پروكۋراتۋراعا جولداعانى ءۇشىن ەل باسشىلىعىنا العىسىمىزدى بىلدىرەمىز. تەرگەۋ جۇمىستارى وبەكتيۆتى جانە قىلمىستىق-پروسەسۋالدىق زاڭعا ساكەس جۇرگىزىلەدى دەپ ۇمىتتەنەمىز» دەپ جازدى ارۋجان ساين.