بۇگىن ق ر پارلامەنت ماجىلىسىندە ءبىلىم جانە عىلىم ءمينيسترى ەرلان ساعادييەۆتىڭ قاتىسۋىمەن «ءبىلىم بەرۋ سالاسىنداعى سيفرلاندىرۋ تۋرالى» تاقىرىبىندا ۇكىمەت ساعاتى ءوتتى، دەپ جازادى Qamshy.kz اقپارات اگەنتتىگى.

ۇكىمەت ساعاتىندا بايانداما جاساعان ەرلان ساعادييەۆ الداعى جىلداردا ءبىلىم بەرۋ جۇيەسىندە ورىن الاتىن وزگەرىستەر مەن سيفرلاندىرۋ ۇدەرىسى قالاي جۇزەگە اسىرىلاتىنىن ايتىپ ءوتتى. كەيىننەن دەپۋتاتتاردىڭ ءبىرقاتار ساۋالدارىنا جاۋاپ بەردى.

ءمينيستردىڭ ايتۋىنشا، سيفرلاندىرۋدى دامىتۋ جۇمىستارى ءۇش باعىتتا جۇزەگە اسىرىلاتىن بولادى: ورتا ءبىلىمدى اقپاراتتاندىرۋ، ءبىلىم جۇيەسىن باسقارۋ پروسەستەرىن اقپاراتتاندىرۋ جانە ءىت ماماندارىن دايارلاۋ.

بۇگىنگى ۇكىمەت ساعاتىندا مينيستر ساعادييەۆ ينفورماتيكا ءپانىن ءبىرىنشى سىنىپتان باستاپ وقىتۋدى قولعا الۋ كەرەكتىگىن ايتتى جانە بۇل باستاما قوعامنىڭ تالقىسىنا تۇسەتىنىن باياندادى.

«وەسر ەلدەرىندە كوبىسى پروگراممالاۋ نەگىزدەرىن 1-سىنىپتان باستاپ وقىتادى. بىزدە «ينفورماتيكا» ءپانى مەكتەپتە 5-سىنىپتان باستاپ وقىتىلعان. ال بيىل 3-سىنىپتان باستالادى. سونىمەن قاتار 5-11-سىنىپتاردا «ينفورماتيكا» پانىندەگى پروگراممالاۋ تىلدەرى قايتا قاراستىرىلاتىن بولادى. پروگراممالاۋ تىلدەرى تەز تەز وزگەرىپ وتىرادى، سوندىقتان ءبىزدىڭ بالالار ەڭ سوڭعى پروگراممالارمەن وقۋى كەرەك. سونىمەن قاتار، وقىتۋدى 1-سىنىپتان باستاپ ەنگىزۋ مۇمكىندىگى بويىنشا ەكسپەرتتەرمەن جۇمىس جۇرگىزىپ جاتىرمىز. ءقازىر جوبا جاسالىپ، ءارi قاراي قوعامدا جانە مۇعالىمدەرمەن تالقىلاناتىن بولادى»، - دەدى مينيستر.

ەرلان ساعادييەۆتىڭ ايتۋىنشا، بۇگىندە 5400 پەداگوگ بىلىكتىلىك كۋرسىنان وتكەن، ونىڭ ىشىندە 730 پەداگوگ روبوتەحنيكا بويىنشا بىلىكتىلىك كۋرستارىنا قاتىسقان.

«قازىرگى كەزدە 3 مىڭنان استام مەكتەپ پەن وقۋشىلار سارايىندا روبوتوتەحنيكا بويىنشا ەلەكتيۆتى كۋرس ەنگىزىلدى. ءبىراق بىزگە روبوتوتەحنيكانى بارلىق مەكتەپتەرگە دەيىن جەتكىزۋ كەرەك. بۇگىنگى مىندەت – ول روبوتوتەحنيكا كابينەتتەرىن كومپلەكتتەرمەن جابدىقتاۋ. وتكەن جىلدا جەرگىلىكتى ورگاندار مەن ۆۋزداردىڭ ەسەبىنەن سەگىز جۇزگە جۋىق جاڭا تولىق كابينەت ساتىپ الىندى، ول جۇمىستى جالعاستىرامىز. 2018 جىلى تاعى ەكى جارىم مىڭ ءمۇعالىمدى وقىتامىز. سونىڭ ىشىندە روبوتوتەحنيكا دا بولادى. تاعى ءجۇز مىڭنان استام ءپان مۇعالىمدەرى اقپاراتتىق كوممۋنيكاسيالىق تەحنولوگيالاردى قولدانۋ بويىنشا كۋرستارىنان ءوتتى. قازىرگى ۋاقىتتا ەندى بارلىق كۋرسكا كەلگەن مۇعالىمدەر مىندەتتى تۇردە  Iت قولدانۋ كۋرستارىنان وتەدى»، - دەدى ءبىلىم جانە عىلىم ءمينيسترى.