ءساۋىر جىلى ءارى جاۋىن-شاشىندى بولادى. بۇلۋ تۋرالى  «قازگيدرومەت» رمك ۇزاق مەرزىمدى اۋا رايى بولجامى باسقاراماسىنىڭ باسشىسى گۇلميرا اقىشيەۆا استانادا وتكەن باسپا ءسوز ءماسليxاتىندا حابارلادى.

«اسىرەسە ايدىڭ ءبىرىنشى جانە ەكىنشى ونكۇندىگىندە كۇن جىلى ءارى جاۋىن-شاشىندى بولادى. سونىمەن قاتار، ساۋىردە جىلى جانە سۋىق كۇندەر الماكەزەك بولاتىندىقتان قۇبىلمالى كۇن رايى كۇتىلەدى.

ەڭ تومەنگى تەمپەراتۋرا ءبىرىنشى ونكۇندىكتىڭ سوڭىنا قاراي بولادى. ەلىمىزدىڭ سولتۇستىك وڭىرلەرىندە اۋانىڭ تەمپەراتۋراسى تۇندە 5-15 گرادۋسقا، كۇندىز 0-5 گرادۋسقا دەيىن تومەندەيدى. ال ەلىمىزدىڭ وڭتۇستىك بولىگىندە اۋانىڭ تەمپەراتۋراسى تۇندە 5-10 گرادۋسقا دەيىن تومەندەيدى. ءساۋىردىڭ ورتاسى مەن ءۇشىنشى ونكۇندىكتىڭ ورتا شەنىندە ورتالىق ازيادان كەلەتىن جىلى اۋا ماسسالارىنا بايلانىستى جىلى كۇن رايى ورنايدى. سولتۇستىك ايماقتاردا اۋا تەمپەراتۋراسى 15-23 گرادۋسقا دەيىن جوعارىلاسا، وڭتۇستىكتە 20-28 گرادۋسقا دەيىن جىلىنادى. ءبىراق ءساۋىر ايىندا اۋا-رايى ءالى دە الدامشى بولعاندىقتان، بۇنداي جىلى كۇندەر ۇزاققا سوزىلمايدى. ءۇشىنشى ونكۇندىكتىڭ باسىندا جانە سوڭىنا قاراي كۇن رايى قايتادان سۋىتا تۇسەدى. ەلىمىزدىڭ سولتۇستىك ايماقتارىندا جاۋىن-شاشىندى بولادى. تۇندە اۋانىڭ تەمپەراتۋراسى 0-دەن تومەن، كۇندىز 5-15 جىلىلىقتى كورسەتەدى. ال وڭتۇستىك وڭىرلەردە وتكىنشى جاۋىن جاۋىپ، نايزاعاي كۇركىرەيدى. اۋانىڭ تۇنگى تەمپەراتۋراسى 5-10 گرادۋس جىلى، كۇندىز 15-20 دەيىن كوتەرىلەدى»، - دەدى گۇلميرا اقىشيەۆا.