1 ناۋرىز العىس ايتۋ كۇنىنە وراي قاراتال اۋدانى باستوبە جوتاسىنىڭ ەتەگىنە كارىستەر ورناتقان «قازاق حالقىنا مىڭ تاعزىم» مونۋمەنتىنىڭ الدىندا الماتى وبلىستىق قازاقستان حالقى اسسامبلەياسىنىڭ ۇيىتقى بولۋىمەن سالتاناتتى جيىن وتكىزىلدى. شاراعا جينالعان كوپشىلىك الدىمەن رەپرەسسيا جىلدارىندا قۇربان بولعانداردىڭ رۋحىنا تاعزىم ەتىپ، مونۋمەنتكە گۇل شوقتارىن قويدى، دەپ جازادى Qamshy.kz اقپارات اگەنتتىگى الماتى وبلىسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

ميتينگىدە قاراتال اۋدانىنىڭ اكىمى راۋان راقىمبەكوۆ، وبلىستىق قحا ءتوراعاسىنىڭ ورىنباسارى، حاتشىلىق مەڭگەرۋشىسى عابيت تۇرسىنباي، ءازىربايجان ەتنومادەني ورتالىعىنىڭ ءتورايىمى اسىلى وسمان، قاراتال اۋدانىنىڭ قۇرمەتتى ازاماتى، كورەي ارداگەرلەر كەڭەسىنىڭ مۇشەسى ۆالەنتينا ين العىس ايتۋ كۇنىمەن جينالعان قاۋىمدى قۇتتىقتاپ، ىزگى تىلەكتەرىن ءبىلدىردى. ولاردىڭ بارلىعى ءبىراۋىزدان ەلدىڭ بەرەكە-بىرلىگىن، تىنىشتىعى مەن تابىسىن ەسەلەۋگە اتسالىسىپ، تاۋەلسىز قازاقستاننىڭ تۇعىرىن نىقتاۋعا بەلسەنە قاتىساتىندىقتارىن ايتتى جانە كوپشىلىكتى دە سوعان شاقىردى.

مۇنان سوڭ ع. تۇرسىنباي ءبىرقاتار قاراتالدىق ازاماتتارعا ماراپاتتار تاپسىردى. ميتينگ سوڭى مەكتەپ وقۋشىلارى ازىرلەگەن «قازاق حالقىنا تاعزىم» اتتى كوركەم ادەبي كومپوزيسيامەن اياقتالدى.