قوعام قايراتكەرى ارۋجان ساين ءوزىنىڭ Facebook پاراقشاسىندا اباي اۋىلىنىڭ 7 جاستاعى تۇرعىنىنا قاتىستى اقپارات جاريالادى، دەپ حابارلايدى Qamshy.kz اقپارات اگەنتتىگى. 

«وقو اباي اۋىلىنداعى 7 جاستاعى بالاعا قاتىستى جاڭا دەرەكتەر:

1 بالا مەن ونىڭ اناسى بۇگىندە الماتى قالاسىندا، مەملەكەتتىڭ قامقورلىعىندا ءارى ءقاۋىپسىز جەردە وتىر. ولاردى الماتى قالالىق پوليسيا قىزمەتكەرلەرى ءوز باقىلاۋىنا العان.

2 جاقىن ارادا ق ر باس پروكۋراتۋراسى تەرگەۋ جۇمىستارىن باستاۋدى كوزدەپ وتىر، باۋىرجان ازانوۆ ەسىمدى ادۆوكات تەرگەۋ ورگاندارى قىزمەتكەرلەرىمەن بىرگە دايىندىق جۇمىستارىن جۇرگىزۋدە.

3 جاسوسپىرىمدەر مەن ەرەسەكتەرگە زورلىق كورسەتۋ بابى بويىنشا قىلمىستىق ءىس قوزعالىپ جاتقاندىقتان، بارلىق سوت وتىرىستارى جابىق تۇردە بولادى جانە تەرگەۋ ناتيجەلەرىنە قاتىستى قانداي دا ءبىر اقپاراتتى ق ر باس پروكۋراتۋراسى عانا مالىمدەي الادى.

4 سونىمەن قاتار ساراپتاما ناتيجەلەرىنە قاتىستى شىن ءارى وبەكتيۆتى مەديسينالىق ساراپتاما جاساۋ ءۇشىن شەتەل ساراپشىلارىمەن كەلىسىم جۇرگىزىلۋدە. ساراپشىلاردىڭ ءتىزىمىن بالانىڭ ادۆوكاتى كەلەسى اپتانىڭ باسىندا ايتاتىن بولادى.

5 بالانىڭ اناسى استانادا سۋىق ءتيىپ، سىرقاتتانىپ قالعان ەكەن. ءقازىر ول ءوزىن جاقسى سەزىنەدى.

6 زورلىق كورگەن بالانىڭ وتباسىن قولداپ، كومەك كورسەتكەن جانە وتباسى مەن ادۆوكاتتىڭ بارلىق شىعىنىن وتەگەن ازاماتتارعا العىسىمىز شەكسىز. سونىمەن قاتار، ايدىن  مەن انار راحىمبايەۆا، دانا التىنبەكوۆا، سانجار بوقايەۆ، ەركىن مەن اسەل تاتىشيەۆا، ءمۇسىر قۇرمانعازى ەسىمدى ازاماتتارعا جانە باسقا دا كومەك كورسەتكەن ادامدارعا كوپ راقمەت.

وتتە ماڭىزدى! زاڭگەردىڭ كومەگى نەمەسە باسقا دا شىعىندار ەشكىم ارنايى قارجى جيناۋمەن اينالىسىپ جۇرگەن جوق. ەگەر كىم دە كىم كومەك قولىن سوزامىن دەسە، تاتيانا سەمەنوۆا، ادەل ساميت جانە جاننا احمەتوۆا دەگەن كىسىلەرگە حابارلاسۋىنا بولادى.

سوتقا دەيىنگى تەرگەۋ امالدارى ۇزاق ۋاقىت الاتىنىن بىلەمىز، ءبىز سابىر ساقتاپ كۇتۋىمىز قاجەت. ەڭ باستىسى، ءبارى ءادىل جولمەن شەشىلسە بولدى.

بارلىعىڭىزعا العىس بىلدىرەمىن!» - دەپ جازادى ارۋجان ساين.