بيىل ناۋرىز مەرەكەسىنە ءبىر اي قالعاندا "ۇلىستىڭ ۇلى كۇنىن" جاڭاشا تويلاۋ جونىندە باستاما كوتەرگەن مادەنيت جانە سپورت ءمينيسترى ارىستانبەك مۇحامەدي ۇلىنىڭ ەكسكليۋزيۆتى سۇحباتى جاريالاندى، دەپ جازادى Qamshy.kz اقپارات اگەنتتىگى
زاماناۋي قازاقستاندىق مادەنيەتتى جۇزەگە اسىرۋ، ناۋرىز مەيرامىنىڭ سيپاتىنا تىڭ سەرپىلىس بەرىپ جاتقان «رۋحاني جاڭعىرۋ» باعدارلاماسى بويىنشا ق ر مادەنيەت جانە سپورت ءمينيسترى ارىستانبەك مۇحامەديۇلىمەن بولعان سۇحباتتا.
— كوكتەم مەن جاڭارۋدىڭ، دوستىق پەن باۋىرلاستىقتىڭ مەرەكەسى – ناۋرىز مەيرامى دا كەلىپ جەتتى. وسى ۇلىستىڭ ۇلى كۇنىن اتاپ ءوتۋدىڭ وزىندىك ەرەكشەلىكتەرىن قايتا جاڭعىرتۋ جايلى ايتا كەتسەڭىز.
— ءار ۇلتتىڭ، مەملەكەتتىڭ ءوزىنىڭ ءتول مەرەكەسى بار. ەگەمەندى ەل رەتىندە تانىلعاننان كەيىن، ەلباسىمىز نۇرسۇلتان ءابىش ۇلىنىڭ العاشقى جارلىقتارىنىڭ ءبىرى ناۋرىز مەيرامىن اتاپ ءوتۋ بولدى. ارينە، ول كەزدەگى ناۋرىز مەرەكەسى مەن قازىرگى كەزدەگى مەرەكەنى اتاپ ءوتۋ سالىستىرۋعا كەلمەيدى. قازىرگى كەزدەگى ناۋرىز مەيرامىنىڭ سيپاتىنا تىڭ سەرپىلىس بەرىپ جاتقان «بولاشاققا باعدار: رۋحاني جاڭعىرۋ» باعدارلاماسى. وزدەرىڭىزگە ءمالىم، بۇل وتكەن جىلعى ەلباسىنىڭ تاريحي ەڭبەگى. كوبىنەسە، بىزدە ماقالا دەپ ايتادى، ال مەن ءوز باسىم مۇنى تاريحي ەڭبەك دەپ ايتار ەدىم.
«رۋحاني جاڭعىرۋ» ەڭبەگىنەن كەيىن حالقىمىزدىڭ ءوز تاريحىنا، كەلەشەگىنە دەگەن كوزقاراسى ەرەكشە. ارينە، ەڭ باستىسى، ەلدىڭ تاتۋلىعى. ناۋرىز ءبىزدىڭ قوعامدا بىرلىك، تۇراقتىلىق پەن كەلىسىم سەكىلدى قۇندىلىقتاردىڭ نىعايۋىنا ىقپال ەتىپ كەلەدى. ءبىز دامىعان مەملەكەتتەر قوعامداستىعىنا قاراي قادام باسۋدامىز. بۇگىنگى جەتكەن جەتىستىكتەردىڭ كەپىلى — ەلباسىنىڭ سارابدال ساياساتى مەن ەل بىرلىگىنىڭ، تاتۋلىق پەن ىنتىماقتاستىقتىڭ ارقاسى.
— زاماناۋي الەمدەگى باسەكەلىك قابىلەت – مادەنيەتتىڭ دە باسەكەلىك قابىلەتى دەگەن ءسوز. وسى تۇرعىدا جاhانداعى زاماناۋي قازاقستاندىق مادەنيەتتى قالاي جۇزەگە اسىرۋعا بولادى؟
— مادەنيەتى وركەندەگەن قوعام ءار ۋاقىتتا ىلگەرى داميدى. بۇگىنگى تاڭدا الەمنىڭ 20 ەلىندە ءبىزدىڭ مادەنيەت پەن ادەبيەت ورتالىقتارىمىز اشىلدى. ۇلتتىق مادەني ورتالىقتار تۋرالى ايتاتىن بولساق، استانا قالاسىنداعى ۇلتتىق كىتاپحاناعا كەلۋشىلەر قاتارى ءوسىپ، ءتول تۋىندىلارىمىزعا قىزىعۋشىلىق ارتتى.
سونىمەن قاتار، ەلباسى كوتەرگەن ۇلتتىق سانانى كوتەرۋدە ارحيۆ سالاسىنىڭ اتقاراتىن ءرولى زور. ويتكەنى بۇگىنگى كۇنى ارحيۆتەر — حالىق جادىنىڭ ساقتاۋشىسى عانا ەمەس، تاريحي سانانى قالىپتاستىرۋدىڭ، پاتريوتتىق، رۋحاني تاربيە بەرۋدىڭ ماڭىزدى ءبىر قۇرالى. سول سەبەپتى، الەمدەگى وزىق ۇلگىدەگى ۆەنەسيا مەملەكەتتىك ءارحيۆى، ارمەنيانىڭ «ماتەناداران» ەجەلگى جازبالار ينستيتۋتى سياقتى ورتالىقتاردىڭ تاجىريبەلەرىن قولدانىپ، ەلدەگى ارحيۆ ءىسى جاڭا سەرپىن الادى دەپ سەنەمىز. وسى جەردەگى تۋىندىلاردىڭ ەلەكتروندىق نۇسقالارى ساتىلىمدا، بۇل دا ەكونوميكالىق تۇرعىدا ءبىر كومەك بولىپ وتىر. ورتالىقتار ارحيۆتىك قىزمەتتەن بولەك، مۋزەي ىسىنە دە كوپ كوڭىل اۋدارادى.
— سۇحباتىڭىزعا راقمەت!
