جىل سايىن ءداستۇرلى تۇردە وتەتىن «جارقىن بولاشاق» رەسپۋبليكالىق قازاق ءتىلى وليمپياداسىنىڭ وبلىستىق ىرىكتەۋ كەزەڭى ءوز مارەسىنە جەتتى، دەپ حابارلايدى Qamshy.kz اقپارات اگەنتتىگى.
اتالمىش سايىستىڭ باستى ماقساتى - مەملەكەتتىك ءتىلدىڭ قولدانىلۋ اياسىن كەڭەيتۋ جانە ونى دامىتۋ، ءارى قازاق ءتىلى مەن ادەبيەتى پاندەرى بويىنشا ەرەكشە دارىندى وقۋشىلاردى انىقتاۋ جانە ولارعا قولداۋ كورسەتۋ بولىپ تابىلاتىن بۇل وليمپيادابيىل بەسىنشى رەت وتكىزىلىپ وتىر. وليمپيادادا وقۋشىلاردىڭ قازاق حالقىنىڭ ءتىلى، ادەبيەتى، ءسالت-داستۇرى، تاريحى، مادەنيەتى سەكىلدى ۇلتتىق قۇندىلىقتارعا دەگەن قىزىعۋشىلىعىن ارتتىرۋ، تۇلعانىڭ ءوزىن-وزى دامىتۋىنا جانە قابىلەتىن ۇشتاۋعا ىقپال ەتۋ كوزدەلگەن. سونىمەن قاتار، مەملەكەتتىڭ مارتەبەسىن كوتەرۋ، قازاق جانە وزگە ۇلت وكىلدەرىنىڭ قازاق تىلىنە دەگەن قىزىعۋشىلىعىن ارتتىرۋ، ولارعا ۇلتتىق قۇندىلىقتارىمىزدى بويىنا ءسىڭىرۋ ارقىلى «ماڭگىلىك ەل» جالپىۇلتتىق يدەياسىن جۇزەگە اسىرۋ بولىپ تابىلادى.
حالىقارالىق «كاتەV» قوعامدىق قورىنىڭ ەرەكشە دەمەۋىمەن قولعا الىنعان بۇل باستاماعا تالدىقورعان قالاسىنداعى «ءبىلىم-يننوۆاسيا» ليسەي- ينتەرناتى مەن وبلىستىق ءبىلىم باسقارماسى ۇيىتقى بولعان. وسىمەن 10 -شى رەت وتكەن ءبىلىم باسەكەسىنە الماتى وبلىسىنىڭ ءار اۋدان، قالالارى مەن وبلىس ورتالىعىنان سۇرىپتالعان 170-تەن استام ۇمىتكەر قاتىسىپ، ءوز باقتارىن سىنادى.
بايقاۋ جالپى «تىلشى-ادەبيەتشىلەر»، «ءسوز شەبەرلەرى»، «ءانشى-بۇلبۇلدار»، «جاس عالىمدار»، «جازۋشىلار» سىندى بەس اتالىم بويىنشا ءوتتى. سايىسقا تۇسكەن ساڭلاقتارعا وڭىردەگى جوعارى وقۋ ورىندارىنىڭ عىلىم دوكتورى، پروفەسسورلارى مەن تانىمال اقىن-جازۋشىلارى تورەلىك ەتىپ، جۇزدەن جۇيىرىك، مىڭنان تۇلپار شىققانداردى انىقتادى. سونىمەن، اتالمىش ليسەي- ينتەرناتىندا ۇيىمداستىرىلعان ءدۇبىرلى دودادا جالپى جەتىسۋ جەرىنەن 80-گە جۋىق تالاپكەر جۇلدەلى ورىندارعا يە بولدى. وندا قارا ءۇزىپ شىققان 10 ۇمىتكەر ءبىرىنشى، 20 وقۋشى ەكىنشى، 30 سايىسكەر ءۇشىنشى ورىندى ەنشىلەسە، 20-سى ىنتالاندىرۋعا لايىق دەپ تانىلدى. ەندى مۇنداعى ءى ورىن يەگەرلەرىنە الداعى ۋاقىتتا وتەتىن رەسپۋبليكالىق بايقاۋعا جولداما بەرىلمەك. ال، وندا توپ جارعاندار جوعارى وقۋ ورنىندا تەگىن وقۋعا تۇسۋگە مۇمكىندىك الادى.
ايتا كەتسەك، "جارقىن بولاشاق" قازاق ءتىلدى وليمپياداسى بيىل ونىنشى رەت ۇيىمداستىرىلىپ وتىر. اتالمىش بايقاۋدى ءبىلىم جانە عىلىم مينيسترلىگى مەن «KATEV» حالىقارالىق قوعامدىق قورى بىرلەسە وتىرىپ ۇيىمداستىرادى.
