الماتى وبلىسىندا سىبايلاس جەمقورلىقتىڭ الدىن الۋ ماقساتىندا قۇرىلعان مونيتورينگتىك توپ 2017 جىلدى قورىتىندىلادى. بىلتىر بۇل ۇيىم مەملەكەتتىك ورگاندارعا ءار ءتۇرلى سالا بويىنشا 900-دەن استام ۇسىنىس جىبەرگەن.
مونيتورينگتىك توپ كومەگىمەن الداعى ۋاقىتتا ءوڭىردىڭ بىرنەشە اۋدانىندا حالىققا قىزمەت كورسەتۋ ورتالىقتارىنا دەربەس عيماراتتار سالىناتىن بولدى. جاڭا عيماراتتار اۋدان تۇرعىندارىنىڭ قۇجات راسىمدەۋىن جەڭىلدەتىپ، سىبايلاس جەمقورلىقتىڭ الدىن الۋعا سەپتىگىن تيگىزبەك.
سونداي-اق ءبىرىڭعاي ۇلتتىق تەستىلەۋگە دايىندىق كەزىندە اقىلى قىزمەت تۇرلەرىن جويۋ ماسەلەسىن قولعا الدى. سەبەبى جوعارى سىنىپ وقۋشىلارىن اقىلى دايىنداۋ اتا-انالاردىڭ نارازىلىعىن تۋدىرىپ وتىر. ويتكەنى باسىم بولىگىنىڭ بالاسىن سىناققا اقىلى دايىنداۋعا مۇمكىندىگى كەلە بەرمەيدى. قازىرگى تاڭدا ءتيىستى قۇجاتتار جيناقتالىپ، ۇسىنىستار وبلىس اكىمى مەن وبلىستىق ءبىلىم باسقارماسىنا جىبەرىلدى.
جالپى مەملەكەتتىك قىزمەت ىستەر جانە سىبايلاس جەمقورلىققا قارسى ءىس- قيمىل اگەنتتىگى جانىنان قۇرىلعان مۇنداي توپتار حالىقتىڭ مەملەكەتتىك قىزمەتشىلەرگە دەگەن سەنىمىن ارتتىرىپ، سىبايلاستىق جەمقورلىققا تاۋەكەلدىلىكتى تومەندەتەتىن بولادى.
