وقۋشىلار سارايىنىڭ ۇلكەن كونسەرت زالىندا "SMART ZHETYSU" جوباسى اياسىندا "كاسىبيلىك پەن ادامگەرشىلىك - بولاشاققا دايىندىق" تاقىرىبىندا مەكتەپ وقۋشىلارى، ستۋدەنتتەر، ۇكىمەتتىك پەن ۇيىمدار، مەملەكەتتىك قىزمەتكەرلەر الدىندا قازاقستاننىڭ كيننوموتوگرافيا سالاسىندا وزىندىك ورىنى بار "گلامۋر دليا دۋر"، "كەلينكا توجە چەلوۆەك"، "برات ي براك"، "تاراز"، "يا جەنيح"، "سيسيتاي"، "كلاسستاستار" فيلمدەرىنىڭ كولوريستى ۆيتاليي بۋجان موتيۆاسيالىق الاڭدا ءسوز سويلەدى
الماتى وبلىسىنىڭ وڭىرلىك كوممۋنيكاسيالار قىزمەتى «SMART ZHETYSU» جوباسىن قولعا الدى. مۇنداعى ماقسات – ءار سالادا تابىسقا جەتكەن تۇلعالاردى جاستارعا ۇلگى ەتە وتىرىپ، ولارعا موتيۆاسيا بەرۋ جانە قازاقستاننىڭ بولاشاعىن قولدايتىن، دامىتاتىن پلاتفورما قۇرۋ.
«SMART ZHETYSU» الاڭىنىڭ العاشقى قوناعى بولىپ، قازاقستان كينوموتوگرافيا سالاسىندا وزىندىك ورنىن قالىپتاستىرىپ ۇلگەرگەن جەرلەسىمىز ۆيتاليي بۋجان كەلدى. سپيكەر جاستارمەن كەزدەسۋ بارىسىندا ءوزىن-وزى دامىتۋ جانە تانىمال مامان بولۋدىڭ جولدارىن ايتىپ بەردى. سونىمەن قاتار، جاس مامان ءوزىنىڭ ەڭبەك جولىندا جەتكەن جەتىستىگى مەن جەڭىلىستەرى تۋراسىندا سىر شەرتتى.
كەزدەسۋ بارىسىندا ءارتۇرلى سۇراق قويىلىپ، سوعان ساي تۇششىمدى جاۋاپ بەرىلدى.
بۇگىندە ۆيتاليي بۋجان كومپيۋتەرلىك گرافيكانى جەتىك مەڭگەرىپ، از ۋاقىت ىشىندە شەتەلگە دە تانىلىپ ۇلگەردى. ءى. جانسۇگىروۆ اتىنداعى جمۋ-دا ءبىلىم العان قاراپايىم ستۋدەنت، كەزىندە الماتى وبلىستىق «جەتىسۋ» تەلەارناسىندا قاتارداعى مونتاجەر بولىپ جۇمىس جاساعان. ايتۋىنشا، وسىنداي بيىك بەلەستەردى باعىندىرۋىنىڭ ءبىر عانا فورمۋلاسى بار، ول – ەڭبەك. ومىرلىك باستى ۇستانىمى دا – ارەكەت ەتۋ. «باستىسى توقتاماي، ارەكەت ەتۋ كەرەك. قايتالاپ ىستەي بەرۋ كەرەك. 1000 رەت قايتالاپ جاساي بەر. ءتىپتى، قولىڭنان كەلمەي جاتسا دا توقتاما. 1001ء-ىنشى رەت جاساعاندا، ول مىندەتتى تۇردە قولىڭنان كەلەدى. الدىڭا ماقسات قويدىڭ با، سوعان جەتۋگە تالپىن. كىمنىڭ نە دەگەنى ماڭىزدى ەمەس. قالاي بولعاندا دا ونى ءىستىڭ ءمانىسىن جاساپ جاتقاندا كورەسىڭ» – دەيدى ومىرلىك تاجىريبەسىمەن بولىسكەن سپيكەر.
ۆيتاليي بۋجان قازىرگى ۋاقىتتا كينوفيلمدەر مەن مۋزىكالىق كليپتەردى وڭدەۋمەن اينالىسادى جانە كوپ ۋاقىتىن وسىعان جۇمسايدى. اتاپ ايتقاندا، ول جاقىندا جارىققا شىققان «گلامۋر دليا دۋر»، «برات يلي براك»، «تاراز»، «كەلينكا توجە چەلوۆەك»، «كلاستاستار»، «يا جەنيح» جانە «سيسيتاي» سىندى بىرنەشە فيلمدەردىڭ مونتاجىن جاساعان. سونداي-اق، رەسەيلىك م-بەند، قازاقستاندىق 91 توبىنىڭ بەينەباياندارىن وڭدەگەن. شەتەلدىكتەر دە ءۆيتالييدىڭ جۇمىسىنا ەرەكشە قىزىعۋشىلىق تۋدىرىپ جاتىر. ايتۋىنشا، سەمينار-ترەنينگتاردا جينالعانداردىڭ كوبى كومپيۋتەردەن سيقىرلى ءبىر «كنوپكانى» باسساڭ، اپ-ساتتە ءبارى دايىن بولىپ شىعاتىنداي كورەدى دەيدى. ال، شىندىعىندا ونىڭ بارلىعى تازا ەڭبەكپەن كەلەتىن دۇنيە. ۆ.بۋجان قالاي جانە قانداي باعدارلامالارمەن جۇمىس ىستەيتىنىن جاسىرماي ايتادى، كەڭەس بەرەدى، كورسەتىپ، ۇيرەتۋگە تالپىنادى. «الايدا، بارلىعىن ايتىپ، كورسەتسەڭ دە، ەلدىڭ كوبى ونى قايتالاپ ىستەمەيدى. ونىڭ بىردەن-بىر سەبەبى، وزىنە دەگەن سەنىمدىلىكتىڭ جوقتىعى مەن جالقاۋلىقتىڭ باسىمدىلىعىندا»، — دەيدى جاس مامان. جيىن سوڭىندا ۆ.بۋجان «مەن دە سەندەردەردىڭ قاتارلارىڭنان شىقتىم. تالماي ەڭبەك ەتىڭدەر! جانە ەرتەڭگە قالدىرماي، ءدال ءقازىر ىسكە كىرىسىڭدەر!» دەپ كەڭەس بەردى.
