بۇگىنگى ۇكىمەت وتىرىسىندا شقو اكىمى دانيال احمەتوۆ پرەمەر-مينيسترگە وڭىردەگى جاعدايدى تانىستىرىپ، ءوز ۇسىنىسىن ايتتى، دەپ جازادى Qamshy.kz اقپارات اگەنتتىگى.

«رۇقسات بولسا ءبىر ماسەلە بار ەدى. توتەنشە جاعدايلار دەپارتامەنتىنىڭ بىردە-بىر قۇرال جابدىقتارى جوق. مىسالى، ەڭ كەرەك قۇرال – كوشپەلى موتوپومپا نورما بويىنشا 112 بولۋى كەرەك، ال ءبىزدىڭ وبلىستا 2 ءعاناۇ. بىزدە، باكە، 2 عانا. قايىق 64 بولۋى كەرەك، ودان 14ء-ى عانا، ۆەزدەحود 55 نورمامەن ءبولىنۋى كەرەك، بىزدە ونىڭ بىرەۋى دە جوق، جاي عانا كولىك 55 بولۋى كەرەك، وبلىسىمىزدا تەك قانا 9. ال ەندى جىگىتتەر سۋدىڭ باسىندا ءجۇر عوي، مىنا گيدروكومبەنيزون دەيمىز، ول بىزدە 1000 بولۋى كەرەك، بىزدە بارلىق وبلىسىمىزدا 86 عانا بار. ءبىز، باكە، وسى جاعدايدا جاي قاراماي، وسى جىلدىڭ باسىندا 300 ميلليون تەڭگە بولدىك، ءقازىر تاعى دا 200 ميلليون تەگە ءبولىپ وتىرمىز، ءبىراق وسى ماسەلەنى بىرگە شەشۋگە ءبىر مۇمكىنشىلىكتى، باكە، تابۋ كەرەك قوي دەيمىن. جاعداي جامان ەمەس، ءوزىمىز جۇمىس ىستەپ ءجۇرمىز. ءبىراق تا ءبىزدىڭ جىگىتتەردە تەك قانا قول بار. تاعى دا ايتايىن، جارتى ملرد بولدىك. از ۋاقىتتىڭ ىشىندە وسى قيىنشىلىقتان، ءسوزسىز، وتەمىز»، - دەدى شقو اكىمى.

پرەمەر-مينيستر بۇل ۇسىنىسقا قولداۋ ءبىلدىرىپ، ءوزىنىڭ ءبىرىنشى ورىنباسارى اسقار مامينگە تاپسىرما بەردى.

«اسقار ۇزاقباي ۇلى، قاجەتتى مەملەكەتتىك ورگاندارمەن بىرلەسىپ وتىرىپ، قاراپ شىعىڭىز. بۇل تەك قانا شقو-داعى جاعداي ەمەس، بارلىق وبلىستا سونداي بولۋى مۇمكىن. اسىرەسە، سۋ كوپ شىعىپ جاتاتىن سولتۇستىك وڭىرلەردە، قار كوپ جاۋعاننان»، – دەدى باقىتجان ساعىنتايەۆ.