26 ناۋرىز كۇنى ەو جوعارعى وكىلى ۆيسە-پرەزيدەنت فەدەريكا موگەريني "بەيبىتشىلىك ۇدەرىسى، قاۋىپسىزدىكتى قامتاماسىز ەتۋ جانە ايماقتىق ىنتىماقتاستىق" اتتى اۋعانستان جونىندەگى تاشكەنت كونفەرەنسياسى قارساڭىندا قازاقستان، قىرعىزستان، تاجىكستان جانە وزبەكستان سىرتقى ىستەر مينيسترلەرى مەن تۇرىكمەنستان سىرتقى ىستەر ءمينيسترىنىڭ ورىنباسارىمەن كەزدەستى.

اتالعان باسقوسۋ 2017 جىلى قاراشادا سامارقان قالاسىندا وتكەن ەو جانە ورتالىق ازيا سىرتقى ىستەر مينيسترلەرىنىڭ رەسمي كەزدەسۋىنەن كەيىن ءتورت اي، جانە استانادا ورتالىق ازيا مەملەكەتتەرى باسشىلارىنىڭ تۇڭعىش بەيرەسمي كەزدەسۋىنەن كەيىن ەكى اپتا ارالىعىندا ورىن الۋدا.

تاشكەنتتەگى كەزدەسۋ ەو جانە ورتالىق ازيا اراسىنداعى قارىم-قاتىناستاردىڭ وڭ ۇردىستەرىن تالقىلاۋ، سونداي-اق ەو تاراپىنان ايماقتىق تۇراقتىلىق پەن گۇلدەنۋگە، ءارى ءوزارا تىعىز ايماقارالىق بايلانىستاردى دامىتۋعا باعىتتالعان جوعارى ماڭىزدىلىعىن كورسەتۋگە مۇمكىندىك بەردى. ەۋروپالىق وداق ايماق ەلدەرىنىڭ دامۋ ماسەلەلەرى، قاۋىپسىزدىك، تەرروريزمگە قارسى كۇرەس جانە قورشاعان ورتانى قورعاۋ ماسەلەلەرى بويىنشا ماڭىزدى ارىپتەسى بولعاندىقتان فەدەريكا موگەريني جانە مينيسترلەر ءوزارا ىنتىماقتاستىق بولاشاعىن تالقىلادى.

بۇل كەزدەسۋ سونداي-اق مينيسترلەرگە ورتالىق ازيا ءۇشىن جاڭا ەو ستراتەگياسى بويىنشا قوسىمشا پىكىر الماسۋعا مۇمكىندىك بەردى. فەدەريكا موگەريني جانە مينيسترلەر جاڭارتىلعان ستراتەگيادا تۇراقتى دامۋ، رەفورمالاۋ جانە مودەرنيزاسيا، ادام قۇقىقتارى، زاڭ ۇستەمدىگى مەن ءتيىمدى باسقارۋ، بيزنەس، قاۋىپسىزدىك، ايماقتىق ىنتىماقتاستىق جانە ءوزارا ارەكەتتەستىك سەكىلدى باسىمدىقتار قالايشا كورىنىس تاباتىنىن تالقىلادى. سونىمەن قاتار ەۋروپالىق وداقتىڭ جوعارعى وكىلى مينيسترلەرگە ەۋروپا مەن ازيا اراسىنداعى ءوزارا ءىس-قيمىل جونىندەگى جاڭا ستراتەگيانى دايىنداۋ بويىنشا جۇمىس جانە ونىڭ ورتالىق ازيا ەلدەرى ءۇشىن وزەكتىلىگى تۋرالى حاباردار ەتتى.

اۋعانستان بويىنشا تاشكەنت كونفەرەنسياسىنىڭ قارساڭىندا فەدەريكا موگەريني اۋعانستاندا بەيبىتشىلىك پەن گۇلدەنۋدى نىعايتۋعا ءوز مىندەتتەمەلەرىن قامتاماسىز ەتۋ ءۇشىن وڭىرلىك سەرىكتەستەر، سونىڭ ىشىندە حالىقارالىق قوعامداستىق ماڭىزدىلىعىن اتاپ ءوتتى. تەمىر جول جانە قۇبىر جولدارىن سالۋ، اۋە بايلانىسىن دامىتۋ، سونداي-اق وسى باعىتتاعى ماڭىزدى قادامدار سەكىلدى اۋعانستانمەن قارىم-قاتىناستى نىعايتۋ ءۇشىن ورتالىق ازيا ەلدەرىنىڭ قاتىسۋىمەن ناقتى ايماقتىق جوبالارعا قولداۋ بىلدىرىلەدى. كەزدەسۋ قاتىسۋشىلارى اۋعانستانداعى قاقتىعىستىڭ تەك بەيبىت شەشۋ جولى بار، ءارى بۇل مۇمكىندىكتى «تاليبان» قوزعالىسى قولدانۋعا ءتيىس ەكەنىنە كەلىستى.

جوعارعى وكىل موگەريني جانە مينيسترلەر تۇرىكمەنستاندا وتەتىن ەو-ورتالىق ازيا ساياسات جانە قاۋىپسىزدىك ماسەلەلەرى جونىندەگى جوعارى دەڭگەيدەگى ديالوگتىڭ كەزەكتى باسقوسۋى، وزبەكستانداعى ورتالىقازيالىق ەكولوگيالىق فورۋمى، جانە دە تەرروريزممەن كۇرەس پەن كۇشتەۋ ەكسترەميزمدى الدىن الۋ بويىنشا ايماقتىق كونفەرەنسيا مەن سۋ رەسۋرستارى بويىنشا حالىقارالىق كونفەرەنسيا بارىسىندا الداعى ەكى اي ىشىندە جوعارى دەڭگەيدەگى بايلانىستاردى جالعاستىرۋعا نيەت ءبىلدىردى. سوڭعى ەكى ءىس-شارا 2018 جىلى بريۋسسەلدە ەو مەن ورتالىق ازيا سىرتقى ىستەر مينيسترلەرىنىڭ كەزەكتى رەسمي كەزدەسۋىنە دەيىن تاجىكستاندا وتەدى.