وزبەكستاننىڭ نامانگان وبلىسىندا اجەتحاناعا ءتۇسىپ كەتكەن iPhone-دى الىپ شىقپاق بولعان ءۇش ادام ۋلانىپ ءولدى. بۇل تۋرالى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساي وتىرىپ حابارلايدى.
وقيعا جەكسەنبى كۇنى، 25 ناۋرىزدا بولعان. ساعات 22:00-دە جەرگىلىكتى تۇرعىن راحماتوۆ ءۇيىنىڭ اۋلاسىنداعى اجەتحاناعا ۇيالى تەلەفونىن ءتۇسىرىپ العان.
ول تەلەفوندى الىپ شىعۋ ءۇشىن كورشىسى نيازوۆتى شاقىرىپ كەلگەن، راحماتوۆ ونىڭ كومەگىمەن شۇڭقىرعا ءتۇسىپ، سول جەردە ەسىنەن تانىپ قالعان. كورشىسى جولداسىنا كومەكتەسۋ ءۇشىن سوڭىنان تۇسەدى، ول دا ۋلى گازدان ەسىنەن تانىپ قالعان. ەس-تۇسسىز جاتقان جىگىتتەردى قۇتقارۋعا راحماتوۆتىڭ اكەسى كەلگەن، ول دا گازدان ۋلانعان.
وقيعا ورنىنا جەتكەن تجم قىزمەتكەرلەرى شۇڭقىردان ءۇش ادامدى شىعارادى. نيازوۆ پەن راحماتوۆ سول جەردە كوز جۇمعان، ال تراگەدياعا كىنالىنىڭ اكەسى اۋرۋحاناعا جەتكىزىلگەن.
وكىنىشكە قاراي، راحماتوۆ اۋرۋحانادا ەسىن جيماستان قازا بولدى.
