قازاقستان اۋماعى ارقىلى وتەتىن سيكلوندار مەن اتموسفەرالىق فرونتتار تۇراقسىز اۋا-رايىن الىپ كەلەدى. شۋاقتى كۇندەر جاڭبىرلى كۇندەرمەن اۋىسادى، دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساپ.
الداعى ءۇش تاۋلىكتە اۋا رايى ايتارلىقتاي وزگەرمەيدى. سولتۇستىك وبلىستاردا سينوپتيكتەر جاڭبىر جانە ىلعالدى قار تۇرىندەگى جاۋىن-شاشىن، تۇمان جانە كوكتايعاق، وڭتۇستىكتە جاڭبىر بولادى دەپ بولجايدى. اۋا تەمپەراتۋراسى تومەندەگەنىمەن، كليماتتىق نورمادان جوعارى بولىپ ساقتالادى.
