كۋزباسس ۆيسە-گۋبەرناتورى سەرگەي سيۆيليەۆ «زيمننيا ۆيشنيا» ساۋدا ورتالىعىنداعى قايعىلى وقيعا ءۇشىن قالا تۇرعىندارىنان تىزەرلەپ تۇرىپ كەشىرىم سۇرادى، دەپ جازادى Qamshy.kz اقپارات اگەنتتىگى ريا نوۆوستي سايتىنىڭ دەرەگىن نەگىزگە الا وتىرىپ. 

كەمەروۆونىڭ باستى الاڭىندا تاڭەرتەڭ باستالعان ميتينگ جەتى ساعاتقا سوزىلدى. كەيىن اكىمشىلىك وكىلدەرى جينالعانداردان ءوز ۇيلەرىنە تارقاۋىن ءوتىنىپ، دىبىس كۇشەيتكىش اپپاراتۋرانى ءسوندىرىپ تاستادى.ءبىراق قاتىسۋشىلار الاڭنان كەتۋدەن باس تارتتى. 

سيۆيليەۆ سويلەمەكشى بولعان كەزدە ميكروفون ءسونىپ تۇرعان. كەيىن ول حالىقتان تىزەرلەپ تۇرىپ كەشىرىم سۇرادى. بىرنەشە سەكۋندتان كەيىن قايتادان تۇرىپ «ەجەلگى رۋستە ادامدار كەشىرىم سۇراۋ ءۇشىن تىزەرلەپ تۇراتىن بولعان»، — دەدى. سول ساتتە ميتينگ قاتىسۋشىلارى قول شاپالاقتاي باستادى. 

ەسكە سالا كەتسەك، كەمەروۆوداعى ءتورت قاباتتى «زيمنيايا ۆيشنيا» ساۋدا ورتالىعىندا الاپات ءورت شىعىپ، 64 ادام قازا تاپتى. قالا اۋرۋحانالارىندا 13 ادام جاتىر، ولاردىڭ دەنى گازدان ۋلانعان. ءورت تۋرالى ءىس بويىنشا بىرنەشە ادام ۇستالدى.