الماتى قالالىق ىشكى ىستەر دەپارتامەنتى تانىمال قازاقستاندىق رەپەر جان ءاحماديدىڭ جەزوكشەلەردى قامشىمەن قۋالاعان ۆيدەوسىن تەكسەرىپ جاتىر، - دەپ حابارلايدى Tengrinews.kz-كە سىلتەمە بەرىپ Qamshy.kz اقپارات اگەنتتىگى.
وسىلايشا ەر ادام سەيفۋللين داڭعىلىنىڭ بويىندا تۇرىپ، جۇمىس ىستەيتىن تۇنگى كوبەلەكتەردى جازالاۋدى ۇيعارعان. سونىمەن قاتار، ول باسقا دا ەر ادامداردى ءوز ءىسىن جالعاستىرۋعا شاقىردى.
الماتى ءىىد قىزمەتى زارداپ شەككەن قىزداردىڭ ارىزدانىپ، پوليسياعا كەلمەگەنىن ايتادى. "وسى ۋاقىتقا دەيىن الماتى ىشكى ىستەر ورگاندارىنا وسى دەرەككە قاتىستى ارىز تۇسكەن جوق. ءبىز ۆيدەونى تەكسەرىپ جاتىرمىز"، - دەدى الماتى ءىىد باسپا ءسوز قىزمەتى.
ەسكە سالساق، جەلىدە جان احمادييەۆتىڭ جەزوكشەلىكپەن اينالىساتىن قازاق قىزدارىن قامشىمەن ساباعان ۆيدەوسى پايدا بولعان ەدى.
