«زيمنيايا ۆيشنيا» ساۋدا ورتالىعىنداعى ءورتتى ەكى ءجاسوسپىرىم ۇيىمداستىرعان بولۋى ابدەن مۇمكىن. بۇل جايىندا Qamshy.kz اقپارات اگەنتتىگى «سيبدەپو» باسىلىمىنا سىلتەمە جاساپ حابارلايدى.

كۋاگەردىڭ سوزىنشە، ولار «كرۋچا» ورتالىعىنداعى باتۋتتىڭ تەكشەلەرىن ورتەپ جىبەرگەن.

«ساۋدا ورتالىعىنىڭ قىزمەتكەرى جىگىتتەردىڭ رەزەڭكەلەردى قالاي ورتەگەنىن كوردى. ول ءورتتى سوندىرۋگە تىرىستى، ءبىراق جالىن اپ-ساتتە كۇشەيىپ كەتتى. ال الگى جاسوسپىرىمدەر قۇتقارىلدى، ولاردى ساۋدا ورتالىعىنىڭ قىزمەتكەرى الىپ شىقتى»، - دەيدى باسىلىمعا سۇحبات بەرگەن ازامات.

ساۋدا ورتالىعىنىڭ قىزمەتكەرى قۇقىق قورعاۋ ورگاندارىنا بۇل تۋرالى ايتقان. ەكى ءجاسوسپىرىمنىڭ بەت الپەتىنە دە سيپاتتاما بەرگەن.

ونىڭ ايتۋىنشا، «زيمنيايا ۆيشنيا» ساۋدا ورتالىعىنىڭ ءتورتىنشى قاباتىندا بۇزاقى جاستار كوپ جينالادى ەكەن. كۇزەت قىزمەتىنىڭ ولارعا شاماسى جەتپەگەن. ساۋدا ورتالىعىنىڭ اكىمشىلىگى كۇزەتشىلەردى اۋىستىرماق بولعان.

كۋاگەر ساۋدا ورتالىعىنىڭ ەسىكتەرى جابىق بولدى دەگەن دەرەكتى دە جوققا شىعاردى. «باقىلاۋشىلار ەسىكتەردى اشىپ، ءورت جونىندە حابار بەرىپ ۇلگەردى»، - دەيدى ول.

ەسكە سالايىق، رەسەيدىڭ كەمەروۆو قالاسىنداعى «زيمنيايا ۆيشنيا» ساۋدا ورتالىعىندا بولعان ءورتتىڭ سالدارىنان ونداعان ادام قازا تاۋىپ، 50-گە جۋىعى ءىز-تۇزسىز جوعالىپ كەتكەن.