قاراعاندى وبلىستىق اكىمدىگىندە وتكەن اپپاراتتىق جينالىستا وبلىس اكىمى ەرلان قوشانوۆ تىلدەردى دامىتۋ باسقارماسىنىڭ جۇمىسىن قاتاڭ سىنعا الدى، دەپ حابارلايدى Qamshy.kz اقپارات اگەنتتىگى ءوڭىر باسشىسىنىڭ رەسمي سايتىنا سىلتەمە جاساي وتىرىپ.

ايماق باسشىسى قازاق جانە اعىلشىن تىلدەرىن وقىتۋ، ءىس قاعازدارىن مەملەكەتتىك تىلدە جۇرگىزۋ جۇمىستارىن قاجەتتى دەڭگەيدە ۇيىمداستىرماي وتىرعان مەكەمەلەر مەن وڭىرلەرگە قاتىستى شارا قولدانۋدى تاپسىردى.

"2024 جىلعا قاراي ءىس-قاعازدار لاتىن گرافيكاسىنا كوشىرىلەدى. سول كەزەڭگە دەيىن ءبىز ءازىر بولۋىمىز كەرەك. وسىعان بايلانىستى بارلىق وڭىرلەردە بىردەي وقىتۋ جانە بەيىمدەۋ كۋرستارىن اشۋدى قولعا الىڭىزدار. مەملەكەتتىك مەكەمەلەردىڭ قۇجات اينالىمىن ىشكى باقىلاۋ بويىنشا ارنايى جۇمىس توبى قۇرىلىپ، ىشكى جانە شىعىس قۇجاتتارىنىڭ مەملەكەتتىك تىلدە دايىندالۋى مەن راسىمدەلۋى قاتاڭ باقىلاۋعا الىنسىن. باسقارما باسشىلارى قالا، اۋدان اكىمى اپپاراتتارى مەن مەملەكەتتىك مەكەمەلەردەن قۇجاتتاردىڭ ورىس تىلىندەگى نۇسقاسىن سۇراۋدى توقتاتسىن"، - دەدى ەرلان قوشانوۆ تىلدەردى دامىتۋ باسقارماسىنىڭ باسشىسى گۇلنارايىم قاڭتاربەكوۆاعا قاراتا.

تىلدەردى دامىتۋ باسقارماسىنىڭ باسشىسى گۇلنارايىم قاڭتاربەكوۆانىڭ ايتۋىنشا، وبلىستاعى13 اۋماقتا مەملەكەتتىك ءتىلدى وقىتۋ جۇمىسى جۇرگىزىلىپ، 2 مىڭ ادام وقىتىلعان. الايدا بۇل دەرەكتەر ايماق باسشىسىنىڭ كوڭىلىنەن شىقپادى.

"وقىتۋ جاعىن مەن سىزگە ايتايىن، ءبىز الىسقا كەتكەن جوقپىز. مەن مۇنى باقىلاپ، تەكسەرىپ كوردىم. وقىتۋدا ادىستەمەلىك قۇرالدارىڭىز، نەگىزگى مەتوديكالارىڭىز - ونىڭ ءبارى سىن كوتەرمەيدى. بۇل نەگىزى ءبىزدىڭ بولاشاعىمىزعا، ۇلت بولاشاعىنا، ەل بولاشاعىنا قاجەت ۇلكەن ماسەلە! (...) ەلباسى "قازاق قازاقپەن قازاقشا سويلەسىن" دەپ ايتتى، سوعان قانداي ىقپال جاساپ جاتىرسىزدار؟ ءتىپتى ناۋقان قىلۋ كەرەك، وقىتۋ كەرەك، بۇل ارىپتەستەرىمىزدىڭ بولاشاعىنا كەرەك"، - دەدى ەرلان قوشانوۆ.

سونىمەن قاتار ەرلان قوشانوۆ مەملەكەتتىك باسىلىمداردا قازاق تىلىندە شىعاتىن كونتەنتتىڭ ۇلەسىن ۇلعايتۋ اكىمدەردىڭ مىندەتى ەكەنىن ايتتى: «سوندىقتان دا جوسپارلى تۇردە كەزەڭ-كەزەڭمەن قازاق تىلدەگى ماتەريالدار كولەمىن ارتتىرۋ ماسەلەسىن شەشۋ كەرەك».

وبلىس اكىمىنىڭ دەرەگىنشە، مەملەكەتتىك باعدارلامادا كورسەتىلگەن «مەملەكەتتىك باق-تاعى قازاق تىلىندەگى كونتەنتتىڭ ۇلەسى» نىسانالى ينديكاتورىنا وبلىس بويىنشا قول جەتكىزىلگەنىمەن، شاحتينسك، بالقاش، قاراعاندى، جەزقازعان، قاراجال، پريوزەرسك، ساتبايەۆ قالالارى مەن وساكاروۆكا جانە نۇرا اۋداندارى جوسپارلانعان ينديكاتور ءالى جوق.

ءسوز سوڭىندا ايماق باسشىسى جوعارىدا اتالعان ماسەلەلەرگە قاتىستى تىلدەردى دامىتۋ باسقارماسىنىڭ باسشىسى مەن ءوز ورىنباسارى جاندوس اقىلسەرىكۇلىنا ءبىرقاتار تاپسىرمالار بەردى.

"ءتىل ساياساتىن جۇزەگە اسىرۋ سالاسىندا الدىمىزدا اۋقىمدى ماسەلەلەر تۇر. ونى جۇزەگە اسىرۋعا بارلىعىمىز بىردەي اتسالىسۋىمىز قاجەت. بۇل باعىتتاعى جۇمىستاردى ۇيلەستىرۋ تىلدەردى دامىتۋ باسقارماسىنا جۇكتەلەدى. جاندوس اقىلسەرىك ۇلى، سىزگە وسى باعىتتاعى جۇمىستاردى تىكەلەي باقىلاۋعا الۋدى تاپسىرامىن"،- دەدى ەرلان قوشانوۆ.