اكتەر داۋرەن سەرعازين «ۇزدىك اكتەر» نوميناسياسى بويىنشا «ساxناگەر-2018» ۇلتتىق سىيلىعىنىڭ يەگەرى اتاندى. بۇل تۋرالى استانا قالاسى مادەنيەت جانە سپورت باسقارماسىنىڭ باسپا ءسوز قىزمەتى حابارلادى.

قازاقستان تەاترلار قاۋىمداستىعى ۇيىمداستىرۋىمەن وتكەن، 27-ناۋرىز - حالىقارالىق تەاتر كۇنى مەرەكەسىنە وراي، جاستار تەاترىنىڭ نەگىزىن قالاۋشىلاردىڭ ءبىرى، كينو اكتەرى داۋرەن سەرعازين «ۇزدىك اكتەر» نوميناسياسى بويىنشا «ساxناگەر-2018» ۇلتتىق سىيلىعىنىڭ يەگەرى اتاندى.

ول تەاتر ساحناسىندا حلەستاكوۆ، ليۋچەنسيو، قوجا، ءامىر، ارتۋر سىندى كوپتەگەن رولدەرىمەن قالىڭ كورەرمەننىڭ جۇرەگىنەن ورىن الىپ جۇرگەن، كينو الەمىندە «الدار كوسە»، «ءشامشى اعا» بەينەلەرىمەن كوپشىلىك قاۋىمعا كەڭ تانىلعان.

سونداي-اق، جاس ءارى تالانتتى اكتريسا «تىلەپ-سارىقىز» قويىلىمىندا سارىقىزدىڭ سۇيكىمدى بەينەسىمەن، «موسارت» ميۋزكلىندە الويزيانىڭ ادەمى ىرعاقتى داۋىسىمەن كورەرمەننىڭ كوز ايىمى بولىپ جۇرگەن نازەركە سەرىكبولوۆا ساحناگەردىڭ ارنايى «ءۇمىت» سىيلىعىمەن ماراپاتتالدى.