ەلباسىنىڭ تاپسىرماسىمەن ق ر پرەمەر-مينيسترى جۇمىس ساپارىمەن قىزىلوردا وبلىسىنا باردى، دەپ حابارلايدى Qamshy.kz اقپارات اگەنتتىگى ق ر پرەمەر-مينيسترىنىڭ باسپا ءسوز قىزمەتىنە سىلتەمە جاساپ.

ساپار ماقساتى – نۇرسۇلتان نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك»، «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋلارى مەن بەس الەۋمەتتىك باستاماسى اياسىندا بەرگەن تاپسىرمالارىنىڭ جۇزەگە اسىرىلۋ بارىسىمەن تانىسۋ.

بۇگىن باقىتجان ساعىنتايەۆ 2018 جىلى الەۋمەتتىك-ەكونوميكالىق دامۋدىڭ ماقساتتى ينديكاتورلارىنا قول جەتكىزۋ بويىنشا وبلىستىڭ جوبالىق باقىلاۋ جۇمىستارىنىڭ جۇيەسى جانە مەملەكەت باسشىسىنىڭ جولداۋلارىن ىسكە اسىرۋ ماسەلەلەرى بويىنشا ءوڭىر اكتيۆىمەن، اۋدان اكىمدەرىمەن جانە بيزنەس وكىلدەرىمەن كەزدەسۋ وتكىزدى.

كەزدەسۋدە ەلباسىنىڭ ءوسىمنىڭ جاڭا مودەلىن قالىپتاستىرۋ بويىنشا العا قويعان مىندەتتەرىن جۇزەگە اسىرۋ ماسەلەلەرى تالقىلاندى، ول ءۇشىن ەكونوميكانىڭ بارلىق ماڭىزدى باعىتتارى بويىنشا جوبالىق باسقارۋ جۇيەسى ەنگىزىلدى. بۇل — جاپپاي كاسىپكەرلىكتى دامىتۋ، ينۆەستيسيالار تارتۋ، يندۋستريالاندىرۋ، اوك، ءونىمدى جۇمىسپەن قامتۋ، سيفرلاندىرۋ، تەحنولوگيالىق جاڭعىرتۋ جانە يندۋستريا 4.0 ەلەمەنتتەرىن ەنگىزۋ. ءاربىر جوبا بويىنشا ماقساتتى كورسەتكىشتەر بەلگىلەنگەن.

قىزىلوردا وبلىسىنىڭ اكىمى قىرىمبەك كوشەربايەۆ ءوڭىردىڭ جوبالىق باسقارۋى اياسىنداعى جاڭا جاھاندىق شىنايىلىق جاعدايىندا ەكونوميكانىڭ ساپالى ءارى تۇراقتى ءوسىمىن قامتاماسىز ەتۋگە قاجەتتى اتقارىلىپ جاتقان جۇمىستار تۋرالى، سونداي-اق نەگىزگى ماقساتتى ينديكاتورلار تۋرالى باياندادى.

كەزدەسۋ بارىسىندا قىزىلوردا وبلىسى ەكونوميكاسىنىڭ قۇرىلىمدىق ترانسفورماسياسىن جانە ساپالى ءارى تەڭگەرىمدى ەكونوميكالىق ءوسۋدى قامتاماسىز ەتۋ بويىنشا ىشكى قورلارىن انىقتاۋ جانە پايدالانۋ جوسپارلارى قارالدى. وسى ماسەلەگە قاتىستى وزدەرى جاۋاپتى باعىتتار بويىنشا ۇلتتىق ەكونوميكا ءمينيسترى ت. سۇلەيمەنوۆ، ينۆەستيسيالار جانە دامۋ ءمينيسترى ج. قاسىمبەك، اقپارات جانە كوممۋنيكاسيالار ءمينيسترى د. ابايەۆ ءسوز سويلەدى.

تالقىلاۋعا بيزنەس وكىلدەرى دە قاتىستى. «اتامەكەن» ۇلتتىق كاسىپكەرلەر پالاتاسى باسقارما ءتوراعاسىنىڭ ورىنباسارى ە. جۇماعازييەۆ جوبالىق باسقارۋ مىندەتتەرىن ىسكە اسىرۋعا بيزنەستى تارتۋدىڭ باسىمدىقتى باعىتتارى تۋرالى ايتىپ بەردى.

ق ر پرەمەر-مينيسترى باقىتجان ساعىنتايەۆ كاسىپكەرلىكتى دامىتۋ ۇكىمەتتىڭ باستى باسىمدىقتارىنىڭ ءبىرى ەكەنىن اتاپ ءوتتى. بۇل — ەلىمىزدىڭ ەكونوميكالىق ءوسىمىنىڭ جاڭا مودەلىن قۇرۋدىڭ باستى باعىتى. وسىعان وراي ۇكىمەت كاسىپكەرلىك احۋالىن جاقسارتۋ جانە شوب سۋبەكتىلەرىنىڭ ىسكەرلىك بەلسەندىلىگىن ىنتالاندىرۋ بويىنشا جۇيەلى شارالار قابىلداپ جاتىر.

بيزنەسكە قولايلى جاعدايلار جاساۋ مەن قايتا رەتتەۋگە باعىتتالعان زاڭ جوباسى پارلامەنتتە قارالىپ جاتىر. دەنساۋلىق ساقتاۋ جانە ءبىلىم بەرۋ ۇيىمدارىنا قويىلاتىن 30-دان استام ەسكىرگەن سانيتارلىق ەرەجەلەر جويىلادى. سالىقتىق تەكسەرىستەر سانى 40%-كە ازايادى.

وتاندىق بيزنەستى دامىتۋعا قولداۋ كورسەتۋ ماقساتىندا مەملەكەت باسشىسى «شاعىن نەسيە بەرۋدى كوبەيتۋ» ءتورتىنشى الەۋمەتتىك باستاماسىن جاريا ەتتى. بۇل ماقساتقا قوسىمشا 20 ملرد تەڭگە بولىنەدى (اۋىلدىق جەرلەردە نەسيە بەرۋگە — 14 ملرد تەڭگە، قالالاردا نەسيە بەرۋ ءۇشىن — 6 ملرد تەڭگە).

پرەزيدەنتتىڭ تاپسىرماسىنا سايكەس، ءوزىن-وزى جۇمىسپەن قامتىعان ازاماتتار مەن حالىقتىڭ ەكونوميكالىق بەلسەندى ەمەس توپتارىن ەكونوميكانى دامىتۋعا تارتۋ جونىندەگى مىندەتتەردى ورىنداۋعا، سونداي-اق سيفرلاندىرۋ مەن اۆتوماتتاندىرۋدى ەسكەرە وتىرىپ مامانداردى دايارلاۋ جانە قايتا دايارلاۋ ماسەلەسىنە ەرەكشە كوڭىل ءبولىندى. وبلىستىڭ كادرلىق الەۋەتىن نىعايتۋ، جوعارى ءبىلىم بەرۋدىڭ قولجەتىمدىلىگى مەن ساپاسىن ارتتىرۋ، بەس الەۋمەتتىك باستاما شەڭبەرىندە ستۋدەنت جاستاردىڭ جاتاقحاناداعى جاعدايلارىن جاقسارتۋ جونىندەگى شارالار قارالدى.

تالقىلاۋدى قورىتىندىلاي وتىرىپ، باقىتجان ساعىنتايەۆ ۇكىمەت بيزنەستى دامىتۋعا نە كەدەرگى كەلتىرەتىنىن، شەشىمىن تابۋدىڭ قانداي جولدارى بار ەكەنىن جانە قالاي كومەكتەسۋگە بولاتىنىن ءبىلۋى قاجەت ەكەنىن ايتتى. جوبالىق باسقارۋ بيزنەس جانە مەملەكەتتىك ورگاندارعا ۇنەمى بايلانىستا بولۋعا، كاسىپكەرلىكتى دامىتۋدىڭ ماسەلەلەرىن شۇعىل شەشۋگە، سۇراقتار مەن ۇسىنىستاردى تىڭداۋعا مۇمكىندىك بەرەدى. بۇدان وزگە، جاڭا ءوندىرىس ورىندارىن اشۋ مەن بيزنەستى نەسيەلەندىرۋ تۇرعىسىنان نارىق قاجەتتىلىكتەرىنە تالداۋ جاساۋ كەرەكتىگى كورسەتىلگەن.

ق ر پرەمەر-مينيسترى باقىتجان ساعىنتايەۆتىڭ قىزىلوردا وبلىسىنا جۇمىس ساپارى بارىسىندا پرەزيدەنتتىڭ بەس الەۋمەتتىك باستاماسىن ىسكە اسىرۋ بويىنشا الەۋمەتتىك سالا قىزمەتكەرلەرىمەن كەزدەسۋ، يندۋستريالىق-يننوۆاسيالىق دامۋ، اوك مەملەكەتتىك باعدارلامالارى شەڭبەرىندە جانە ەكونوميكانى ءارتاراپتاندىرۋ ماقساتىندا جۇزەگە اسىرىلىپ جاتقان ءبىرقاتار ونەركاسىپتىك جانە اگرارلىق كاسىپورىنداردى ارالاۋ، سونداي-اق، عارىش سالاسىنىڭ دامۋىمەن، بايقوڭىر قالاسىنىڭ ينفراقۇرىلىمى مەن عارىش ايلاعىمەن تانىسۋ جوسپارلانعان.