«زيمنيايا ۆيشنيا» ساۋدا ءۇيىنىڭ باس ديرەكتورى ءارى يەسى يۋليا بوگدانوۆا ۇستالدى، دەپ حابارلايدى Qamshy.kz اقپارات اگەنتتىگى رەسەيدىڭ تەرگەۋ كوميتەتىنە سىلتەمە جاساپ.
- تەرگەۋ بارىسىندا يۋليا بوگدانوۆاعا قول استىنداعى قىزمەتكەرلەرى بىرنەشە مارتە ءورت قاۋىپسىزدىگى جولعا قويىلماعانى جونىندە ەسكەرتكەنى انىقتالدى. بوگدانوۆا ەسكەرتۋلەردى ەلەمەي ساۋدا ورىندارىن جالعا بەرۋدى جالعاستىرعان. ءورت قاۋىپسىزدىگىن كۇشەيتۋ ءۇشىن ەشقانداي ارەكەت جاساماعان، دەدى رەسەيدىڭ تەرگەۋ كوميتەتىنىڭ رەسمي وكىلى سۆەتلانا پەترەنكو.
تەرگەۋشىلەر باس ديرەكتوردىڭ ۇيىندە ءتىنتۋ جۇمىستارىن جۇرگىزدى. جاقىن ۋاقىتتا وعان ايىپ تاعىلادى.
