تالدىقورعان قالاسىندا كامەلەتكە تولماعان ءجاسوسپىرىم  اناسىن ايۋاندىقپەن ولتىرگەن، دەپ حابارلايدى Qamshy.kz اقپارات اگەنتتىگى patrul.kz سايتىنا سىلتەمە جاساپ.

وقۋشىنىڭ اناسى 20 ناۋرىزدا 43 جاسقا تولعان. بەس كۇن وتكەننەن كەيىن ونى تۋعان ۇلى – تالدىقورعانداعى مەكتەپتەردىڭ بىرىندە وقيتىن 11 سىنىپ وقۋشىسى ءولتىرىپ تاستاعان.

مارقۇم ايەل تالدىقورعاندا وبلىستىق ناكولوگيالىق ديسپانسەردە جۇمىس ىستەگەن. ارىپتەستەرى مەن ناۋقاستار ونى جاقسى مەديسينالىق قىزمەتكەر جانە ءوز ءىسىنىڭ مامانى رەتىندە بىلەدى. ول بۇل سالادا 23 جىل ىستەگەن.

 بەلگىلى بولعانداي، ولار وتباسىندا ءۇش ادام: اناسى، قىزى مەن ۇلى بولعان. قىزى الماتىدا جوعارى وقۋ ورىندارىنىڭ بىرىندە وقىسا، ۇلى بيىل مەكتەپ ءبىتىرۋى كەرەك بولاتىن. ايەل قىزىنىڭ وقۋىن تولەۋ ءۇشىن نەگىزگى جۇمىسىنان بولەك اقىلى ەمحانالاردا مەدبيكە بولىپ جۇمىس ىستەگەن.

ارىپتەستەرىنىڭ ايتۋلارىنشا، ۇلى اناسىنىڭ ۇيىقتاپ قالۋىن كۇتىپ، ونى تۇنشىقتىرا باستاعان. ودان كەيىن قولىنا پىشاق الىپ، باۋىزداعان.  ول اناسىنىڭ كوز جۇمعانىنا كوز جەتكىزگەننەن كەيىن كومپيۋتەر كلۋبىنا بارعان. ودان كەيىن ۇيگە قايتىپ كەلىپ، ۇيىقتايدى. تاڭەرتەڭ تاڭعى اسىن ىشكەننەن كەيىن اناسىنىڭ دەنەسىنە اس سوداسىن سەۋىپ، كەشكە قاراي پوليسيا قىزمەتكەرلەرىنە ءوز ەركىمەن بەرىلگەن.

پوليسيا قىزمەتكەرلەرى قاتىگەزدىكپەن ولتىرگەن جاعدايعا بايلانىستى قىلمىستىق ءىس قوزعادى. تەرگەۋ امالدارى ءجۇرىپ جاتىر.