نۇرسۇلتان نازاربايەۆ ابدەل فاتتاح ءاس-سيسيدى مىسىر اراب رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى، دەپ حابارلايدى Qamshy.kz اقپارات اگەنتتىگى اقوردانىڭ مالىمەتىنە سۇيەنىپ.
«بۇل جەڭىس – ءسىزدى مەملەكەتتىڭ مۇددەسى مەن جارقىن بولاشاعىنا قىزمەت ەتەتىن ناعىز پاتريوت جانە ەلىڭىزدىڭ بىرلىگى مەن تۇراقتى دامۋىن قامتاماسىز ەتە الاتىن پاراساتتى ءارى تاجىريبەلى ساياسي كوشباسشى رەتىندە حالقىڭىزدىڭ مويىنداۋىنىڭ تاعى ءبىر ايقىن دالەلى.
مىڭداعان جىلدىق كونە تاريحى بار مىسىر ەلى كەلەشەكتە ءسىزدىڭ باسشىلىعىڭىزبەن وتپەلى كەزەڭدەگى قيىنشىلىقتاردى ەڭسەرىپ، ورنىقتى دامۋ جولىنا تۇسەتىنىنە سەنىمدىمىن.
استانا مەن كاير اراسىندا ورناعان دوستىق قارىم-قاتىناستار باۋىرلاس ەكى حالىقتىڭ بەرەكە-بىرلىگى ءۇشىن ودان ءارى وركەندەي بەرۋىنە تىلەكتەستىك بىلدىرەمىن»، – دەلىنگەن جەدەلحاتتا.
پىكىر قالدىرۋ