اقش پەن رەسەي پرەزيدەنتتەرى كەزدەسۋدى قايدا وتكىزۋ ىڭعايلى ەكەنىن ءسوز ەتكەن، اق ۇيدە جۇزدەسۋ مۇمكىندىگىن دە قاراستىرعان. ساندەرس ەكى مەملەكەت باسشىلارىنىڭ قاشان كەزدەسەتىنىن ايتپادى، مۇنداي جۇزدەسۋ "جاقىن ۋاقىتتا" بولۋى مۇمكىن دەۋمەن شەكتەلدى.

ترامپ ءپۋتيندى كەزدەسۋگە شاقىرعانىن بۇعان دەيىن رەسەي پرەزيدەنتىنىڭ كومەكشىسى يۋريي ۋشاكوۆ حابارلاعان ەدى. ول "سكريپال ءىسى"، سودان كەيىن ديپلوماتتاردى ەلدەن شىعارۋ ارەكەتتەرى پرەزيدەنتتەردىڭ كەزدەسۋىن قيىنداتىپ جىبەردى دەگەن.

ترامپ پەن ءپۋتيننىڭ تەلەفونمەن سويلەسۋى اقش باستاماسىمەن جۇزەگە استى. سول كەزدە اقش پرەزيدەنتى ءپۋتيندى پرەزيدەنتتىك سايلاۋداعى جەڭىسىمەن قۇتتىقتاعان. The Washington Post مالىمەتىنە قاراعاندا، اق ءۇي ترامپقا بۇلاي جاساماۋعا، اڭگىمەنى "سكريپال ىسىنەن" باستاۋعا كەڭەس بەرگەن. اقش پرەزيدەنتى بولسا رەسەيمەن قارىم-قاتىناسى جاقسى ەكەنىن تۆيتتەرىندە جازعان.

26 ناۋرىزدا ۆاشينگتون رەسەيدىڭ 60 ديپلوماتىن ەلدەن شىعارىپ، سيەتلدەگى كونسۋلدىعىن جابۋ تۋرالى شەشىم شىعاردى. مۇنداي قادام ۇلىبريتانيادا باس بارلاۋ باسقارماسىنىڭ بۇرىنعى وفيسەرى سەرگەي سكريپال مەن ونىڭ قىزىنا ۋ بەرۋىنە بايلانىستى جاسالدى. ماسكەۋ وعان اقش-تىڭ 60 ديپلوماتىن شىعارىپ، سانكت-پەتەربۋرگتەگى كونسۋلدىقتى جابۋ ارقىلى جاۋاپ بەردى.