ءساۋىر ايىنىڭ 2-6 ارالىعىندا راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ وقۋ-ورنىندا تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ جوعارعى ءبىلىم بەرۋ ۇيىمدارى كۋرسانتتارىنىڭ اراسىندا ماتەماتيكا پانىنەن ءىV حالىقارالىق وليمپياداسى ۇيىمداستىرىلماق.

ءىس-شارا تمد قاتىسۋشى مەملەكەتتەردىڭ قورعانىس مينيسترلەرى كەڭەسىنىڭ ءتوراعاسى – رەسەي فەدەراسياسىنىڭ قورعانىس ءمينيسترى ارميا گەنەرالى س.شويگۋ مەن  قازاقستان رەسپۋبليكاسىنىڭ قورعانىس ءمينيسترى گەنەرال-پولكوۆنيك س.جاسۇزاقوۆتىڭ تىكەلەي جەتەكشىلىگىمەن وتكىزىلەدى.

بايقاۋدىڭ نەگىزگى ماقساتى؛ اسكەري مامانداردى ساپالى تۇردە دايىنداۋ، كاسىبي دەڭگەيدە ىنتالاندىرۋ، عىلىمي جانە شىعارماشىلىق قابىلەتتەرىن قالىپتاستىرۋ، وقىتۋشى-پروفەسسورلار قۇرامىنىڭ كاسىبي دەڭگەيىن كوتەرۋ، ءدارىس بەرۋدىڭ ادىستەمەسىن جەتىلدىرۋ جانە دە جوعارى اسكەري وقۋ-ورىندارى اراسىندا ساپالى باسكەلەستىك قۇرۋ بولىپ تابىلادى.

قورعانىس مەكەمەلەرى تاراپىنان، وفيسەرلىك كادر مامانداردى دايىنداۋدا جوعارى كاسىبي دەڭگەيدە كوڭىل اۋدارىپ، زياتكەرلىك سايىستار ارقىلى حالىقارالىق سەنىممەن دوستىق قارىم-قاتىناستى نىعايتۋ جانە دە ءعىلىمي-بىلىم سالاسىندا تاجىريبە الماسۋ بولىپ تابىلادى.

وليمپياداعا تمد ەلدەرىنەن 7 مەملەكەتتىڭ كوماندالارى قاتىسادى ولار: رەسەي، بەلورۋسسيا، قىرعىستان، ارمەنيا، قازاقستان، تاجىكىستان جانە وزبەكىستان.

اۋقىمدى شاراعا قازىلىق ەتۋگە تمد قاتىسۋشى مەملەكەتتەردەن كەلەتىن كوماندالاردىڭ جەتەكشىلەرى جانە قازاقستان رەسپۋبليكاسىنىڭ ۇلتتىق عىلىم اكادەمياسىنىڭ بەيىندىك عىلىمي-زەرتتەۋ ينستيتۋتتارىنىڭ قىزمەتكەرلەرى مەن ازاماتتىق جوعارى وقۋ-ورىندارىنىڭ پروفەسسورلىق-وقىتۋشىلار قۇرامى تارتىلماق.