رەسەيدە قازاقستان تۇرعىنىنا قاتىستى قىلمىستىق ءىس قوزعالدى. ول ءوز بالاسىن 20 مىڭ دوللارعا ساتقان دەپ كۇدىكتەنىپ وتىر. بۇل تۋرالى رەسەيدىڭ ماسكەۋ بويىنشا تەرگەۋ كوميتەتىنىڭ باسپا ءسوز قىزمەتى حابارلادى.
تەرگەۋ دەرەكتەرىنە سايكەس، 33 جاستاعى ايەل 2017 جىلدىڭ جەلتوقسانىندا الەۋمەتتىك جەلى ارقىلى 2017 جىلعى سابيىنە اسىراپ الاتىن اتا-انا ىزدەپ جۇرگەنىن جاريالاعان. ءوز ءسابيىن ايەل 20 مىڭ دوللارعا باعالاعان.
«2018 جىلى 5 ساۋىردە ايەل ءسابيىن ساتۋ ءۇشىن ماسكەۋگە كەلدى. ءسابيدى ساتىپ الۋشىلار ءرولىن جەدەل قىزمەت وكىلدەرى اتقارعان. ايەل بالادان باس تارتاتىنىن جازىپ، اقشا الۋ ءۇشىن ماسكەۋلىك بانككە اتتانادى. سول جەردە ءتارتىپ ساقشىلارىنىڭ قولىنا تۇسەدى»، - دەلىنگەن رەسەي تەرگەۋ كوميتەتىنىڭ حابارلاماسىندا.
ءسابي ءقازىر تۋىستارىنان جىراقتا بالالار ۇيىندە جاتىر. بالانىڭ اكەسىن ءارى تۋىستارىن انىقتاۋ ءۇشىن قازاقستاننان قۇقىقتىق كومەك سۇرالدى. جاقىن ارادا ايەلگە قاتىستى تۇرمەگە قاماۋ تۇرىندەگى شارا قولدانىلادى. ىسكە قاتىستى تەرگەۋ جۇمىستارى جالعاسىپ جاتىر.
