فەدوروۆ اۋدانىندا بالاسىن سۋ الاتىن قۇدىققا تاستاعان ايەل انىقتالدى، دەپ حابارلايدى Qamshy.kz اقپارات اگەنتتىگى قازاقپارات مالىمەتىنە سۇيەنىپ.
— فەدوروۆ اۋدانىنىڭ پوليسەيلەرى جەدەل-ىز كەسۋ شارالارى بارىسىندا جاڭا تۋعان ءسابيىن قۇدىققا تاستادى دەگەن كۇدىكپەن 38 جاستاعى ايەلدى ۇستادى. اتالعان فاكت بويىنشا سوتقا دەيىنگى تەرگەۋ شارالارى جۇرگىزىلۋدە، - دەدى وبلىستىق ءىىد باسپا ءسوز حاتشىسى يرينا بەجەنار.
كۇدىكتىگە ق ر قك 100-بابى («اناسىنىڭ جاڭا تۋعان بالاسىن ءولتىرۋى») بويىنشا ايىپ تاعىلدى. ساراپتامالار تاعايىندالدى.
ەسكە سالساق، قوستاناي وبلىسىنىڭ فەدوروۆ اۋدانىندا اسكەري قىزمەتشى قۇدىقتان شاقالاقتىڭ دەنەسى تاۋىپ العان بولاتىن. اتالعان فاكتىنى قازاقپارات تىلشىسىنە ق ر ۇقك 2031 شەكارا ءبولىمى كومانديرىنىڭ ورىنباسارى راحمەدين ءۋاجيتوۆ راستادى.
