ق ر پرەزيدەنتى ن. ءا. نازاربايەۆتىڭ 2018 جىلعى 10 قاڭتارداعى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىن ىسكە اسىرۋ اياسىندا ءتۋريزمدى دامىتۋ ماسەلەلەرى بويىنشا باسپا ءسوز كونفەرەنسياسى ءوتتى، دەپ حابارلايدى Qamshy.kz اقپارات اگەنتتىگى.

2018 جىلدىڭ 7ء-شى ساۋىرىندە جامبىل وبلىسى اۋماعىندا ورنالاسقان «ەجەلگى تاراز ەسكەرتكىشتەرى»  قورىق-مۋزەيىنىڭ قاراماعىنداعى «اقىرتاس» ساراي كەشەنىندە ق ر پرەزيدەنتى ن. ءا. نازاربايەۆتىڭ 2018 جىلعى 10 قاڭتارداعى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋدىڭ ىسكە اسىرۋ اياسىنداعى ءتۋريزمدى دامىتۋ ماسەلەلەرى بويىنشا باسپا ءسوز كونفەرەنسياسى ءوتىپ جاتىر. 

باسپا ءسوز كونفەرەنسياسىنىڭ ماقساتى – ەلىمىزدەگى تاريحي، مادەني ەسكەرتكىشتەردى ارحەولوگيالىق عىلىمي زەرتەۋ، ءتۋريزمدى دامىتۋ بويىنشا ءىس-شارالاردىڭ كەشەنى جونىندە ب ا ق پەن قوعامدى اقپاراتتاندىرۋ.

باسپا ءسوز كونفەرەنسياسىنا ق ر مادەنيەت جانە سپورت ءمينيسترى ا. مۇحامەدي ۇلى جانە جامبىل وبلىسىنىڭ اكىمى ا. مىرزاحمەتوۆ باسشىلىق ەتتى، سونداي-اق جيىنعا «Kazakh Tourism ۇق» اق ءتوراعاسىنىڭ ورىنباسارى ت. دۇيسەنعالييەۆ، «قازاقستان تەمىر جولى»  ۇلتتىق كومپانياسى» اق ۇيىمىنىڭ وكىلى، عالىمدار، رەسپۋبليكالىق جانە جەرگىلىكتى ب ا ق وكىدەرى قاتىستى.

جيىن بارىسىندا يۋنەسكو-نىڭ بۇكىلالەمدىك مۇرالار تىزىمىنە جانە قازاقستاننىڭ جالپىۇلتتىق ماڭىزى بار كيەلى جەرلەرىنىڭ تىزىمىنە ەنگەن «اقىرتاس» كەشەنىن جانە وسى وڭىردەگى وزگە دە تاريحي-مادەني مۇرا نىساندارىن تۋريستىك ورتالىققا اينالدىرۋ ماسەلەلەرى جان-جاقتى تالقىلاندى.