2018 جىلدىڭ 7ء-شى ساۋىرىندە جامبىل وبلىسى اۋماعىندا ورنالاسقان «ەجەلگى تاراز ەسكەرتكىشتەرى» قورىق-مۋزەيىنىڭ قاراماعىنداعى «اقىرتاس» ساراي كەشەنىندە ق ر پرەزيدەنتى ن. ءا. نازاربايەۆتىڭ 2018 جىلعى 10 قاڭتارداعى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋدىڭ ىسكە اسىرۋ اياسىنداعى ءتۋريزمدى دامىتۋ ماسەلەلەرى بويىنشا باسپا ءسوز كونفەرەنسياسى ءوتتى.
باسپا ءسوز كونفەرەنسياسىنىڭ ماقساتى – ەلىمىزدەگى تاريحي، مادەني ەسكەرتكىشتەردى ارحەولوگيالىق عىلىمي زەرتەۋ، ءتۋريزمدى دامىتۋ بويىنشا ءىس-شارالاردىڭ كەشەنى جونىندە ب ا ق پەن قوعامدى اقپاراتتاندىرۋ.
باسپا ءسوز كونفەرەنسياسىنىڭ قورىتىندىسى بويىنشا ق ر مادەنيەت جانە سپورت مينيسترلىگى، جامبىل وبلىسىنىڭ اكىمدىگى مەن «قازاقستان تەمىر جولى» ۇلتتىق كومپانياسى» اق اراسىندا ءۇشجاقتى مەموراندۋمعا قول قويىلدى.
سونىمەن قاتار «اقىرتاس» كەشەنىنىڭ ساپار ورتالىعىنا «ەجەلگى تاراز ەسكەرتكىشتەرى» قورىق-مۋزەيىنىڭ جىلجىمالى «رۋحاني جاڭعىرۋعا 1 جىل» اتتى كورمەسى ۇيىمداستىرىلدى. كورمەگە جامبىل وبلىسى اۋماعىنداعى تاريحي ورىنداردا جۇرگىزىلگەن ارحەولوگيالىق قازبا جۇمىستارى بارىسىندا تابىلعان جادىگەرلەر قويىلدى.
