«ق ر پرەزيدەنت اكىمشىلىگى كەلىسىم بويىنشا، وڭتۇستىك قازاقستان وبلىسىنىڭ اكىمى جانسەيىت تۇيمەبايەۆتىڭ وكىمىمەن ەربول قۋانىش ۇلى تاسجۇرەكوۆ وبلىس اكىمىنىڭ ورىنباسارى بولىپ تاعايىندالدى»، — دەپ حابارلايدى Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساپ.
بۇگىن وبلىس باسشىسى جانسەيىت تۇيمەبايەۆ جاڭا ورىنباسارىن وقو اكىمدىگى اپپاراتىنا تانىستىردى.
ەربول تاسجۇرەكوۆ 1979 جىلى جامبىل وبلىسىندا دۇنيەگە كەلگەن. م.ح. دۋلاتي اتىنداعى تاراز مەملەكەتتىك ۋنيۆەرسيتەتىن جانە ق ر پرەزيدەنتى جانىنداعى مەملەكەتتىك باسقارۋ اكادەمياسىن، سونداي-اق، «بولاشاق» حالىقارالىق باعدارلاماسى بويىنشا فرانسيادا وقىپ بىتىرگەن.
2016 جىلدان باستاپ ق ر ينۆەستيسيالار جانە دامۋ مينيسترلىگى ينۆەستيسيا كوميتەتى ءتوراعاسىنىڭ ورىنباسارى قىزمەتىن اتقارىپ كەلگەن.
