ۆاشينگتون دۋما قالاسىنداعى «حيميالىق شابۋىلدىڭ» جاۋاپكەرشىلىگىن ماسكەۋ مەن تەگەرانعا جۇكتەدى.

اقش پرەزيدەنتىنىڭ اكىمشىلىگى وسى اپتا ىشىندە رەسەيگە قارسى جاڭا سانكسيالار ەنگىزۋدى جوسپارلاپ وتىر. 

«كوممەرسانتتىڭ» دەرەگىنە سۇيەنسەك، سانكسيانىڭ جاڭا جوباسىن بۇگىن عانا ۇلتتىق قاۋىپسىزدىك بويىنشا كەڭەسشى قىزمەتىنە كەلگەن دجون بولتون ەنگىزدى. ول رەسەيگە قاتىستى راديكالدى پوزيسيا ۇستانادى، سونىسىمەن تانىمال.

بۇدان بۇرىن ينتەرنەت-پورتالدار دۋما قالاسىنداعى حلور بومباسى جايىندا سيريالىق اسكەرگە سىلتەمە بەرىپ حابارلاعان ەدى. جيحادشىلاردىڭ ەرىكتىلەر كورپۋسى اتالاتىن «اق كاسكا» ۇيىمى 25-70 ادامنىڭ قازا تاپقانىن ايتقان.

رەسەي مەن يران سيريا پرەزيدەنتى باشار اسادتى قولدايتىندىقتان دۋما قالاسىنداعى «حيميالىق شابۋىلدىڭ» جاۋاپكەرشىلىگىن ماسكەۋ مەن تەگەرانعا جۇكتەدى. ماسكەۋ حلور بومباسى جايلى اقپاراتتى تەرىسكە شىعاردى. رەسەي ءسىم-ىنىڭ مالىمدەۋىنشە، ۋلى زاتتاردىڭ قولدانىلۋى تەرروريستەردى قۇرىققا ءتۇسىرۋ ماقساتىندا جاسالعان. ۆەدومستۆودا حابارلانعانداي، باتىس تارابى سيرياعا قارسى شابۋىلداردىڭ سەبەبىن انىقتاۋعا كىرىسكەن.

قارۋلى كۇشتەر باس شتابىنىڭ باسشىسى ۆالەريي گەراسيموۆ دۋماداعى وقيعاعا دەيىن-اق تەرروريستەردىڭ شابۋىل جوسپارى شىعىس گۋتە ايماعىنا تۇسەتىنىن ايتادى. سونىمەن قاتار گەراسيموۆ شابۋىلعا رەسەيلىك اسكەدىڭ قاتىسى بولسا، امەريكالىق زىمىراندار مەن ولاردىڭ تاسىمالداۋشىلارى سوققى استىندا قالاتىنىن ەسكەرتتى.