اعاسىنىڭ مازارىن كورىپ قايتپاقشى بولعان قوستاناي تۇرعىنى نيكولاي روجكو ۇشقىشتار جەرلەنگەن ءقابىردىڭ قيراپ جاتقانىن بايقاپ قالادى. وندا جەرلەنگەن ۇشقىشتار افريكادا 2005 جىلى قازا تاپقان.
تاس تالقانى شىققان ءقابىردى كورگەن ەر ادام بىردەن شارا قولدانۋعا كوشتى. ونىڭ ايتۋىنشا، بىلتىر دا اعاسىنىڭ ءقابىرى بۇزىلىپ، مەتالل قۇرىلىمدارى ۇرلانعان.
«بولاتتىڭ ءبارى تونالعان ەدى. ەندى ۇشقىشتاردىڭ دا ءمايىتى تونالىپ، ءمارمار تاستارىن الىپ كەتىپتى. ءقابىر كۇزەتشىسى قايدا قاراپ وتىرعانىن بىلمەيمىن. قاشانعى قايتالانادى؟»، - دەيدى نيكولاي روجكو.
بۇدان بۇرىن ءقابىر ىشىمەن جۇرگەن اتتى ادام قوستانايلىقتاردىڭ نارازىلىعىن تۋدىرعان. ناتيجەسىندە اتتىڭ يەسى جازالاندى.
