اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە جاڭبىر، قار جاۋادى. ەلدىڭ باتىسى مەن وڭتۇستىگىنىڭ كەيبىر ايماقتارىندا نە جاۋىن نە قار جاڭبىر جاۋمايدى. كەي جەرلەرگە تۇمان ءتۇسىپ، كوكتايعاق بولادى، جەل كۇشەيىپ، وڭتۇستىكتە كۇن كۇركىرەيدى، دەپ حابارلايدى Qamshy.kz اقپارات اگەنتتىگى قازگيدرومەت  مالىمەتىنە سۇيەنە وتىرىپ.

اقمولا، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولىپ، جەل سەكۋندىنا 15-20 مەترگە دەيىن كۇشەيەدى. شىعىس قازاقستان وبلىسىندا جەلدىڭ ەكپىنى سەكۋندىنا — 25 مەتر.

قىزىلوردادا، الماتى وبلىسىنىڭ كەي جەرلەرىندە سەكۋندىنا 15-20 مەتر جىلدامدىقپەن جەل سوعادى.

وڭتۇستىك قازاقستان، قوستاناي وبلىستارىنىڭ كەي بولىكتەرىندە تۇمان ءتۇسىپ، جەلدىڭ جىلدامدىعى سەكۋندىنا 15-20 مەتر بولادى.

جامبىل وبلىسىنىڭ ءبىرقاتار ايماقتارىندا تۇمان ءتۇسىپ، تاڭ اتا جانە كۇندىز كۇن كۇركىرەپ، بۇرشاق جاۋۋى ىقتيمال. كۇندىز كەي جەرلەردە جەل سەكۋندىنا 15-20 مەتر جىلدامىقپەن ۇيتقيدى.

ماڭعىستاۋ، باتىس قازاقستان وبلىستارىنىڭ ءبىرقاتار ايماقتارىنا تۇمان تۇسەدى. وڭتۇستىك قازاقستان وبلىسىندا تۇندە كەي جەرلەردە 1 رادۋس ۇسىك جۇرەدى.