بۇگىن «31 ارنانىڭ» ەفيرگە شىققانىنا 25 جىل تولدى، دەپ حابارلايدى Qamshy.kz اقپارات اگەنتتىگى. بۇل تۋرالى «31 ارنانىڭ» ينفورمبيۋرو جاڭالىقتار قىزمەتىنىڭ جەتەكشىسى بولات ءمۇرسالىم ءوزىنىڭ Facebook پاراقشاسىندا جازدى. 

«قازاقتىڭ جونىمەن ايتساق، ايحاي، جيىرما بەس! بۇل ارنا «31-دەن كورسەتەدى» دەپ ەل كۇتىپ جۇرەتىندەي، كوپشىلىكتىڭ ىقىلاسى تۇسكەن ارناعا اينالعانى قاشان؟ 25 جىلدا وسى ارنادا تالاي-تالاي مىقتىلار ىستەدى، «31-دە ىستەگەن» دەپ ماقتانىشپەن ايتاتىنداي جۋرناليستيكا مەكتەبى قالىپتاستى. قالىڭ كورەرمەندى، ارىپتەستەرىمىزدى 25 جىلدىقپەن قۇتتىقتايمىن!»، - دەپ جازدى بولات ءمۇرسالىم. 

«31 ارنا» – رەسپۋبليكالىق تەلەارنا. تاۋلىك بويى حابار تاراتادى. ەلدەگى كورەرمەننىڭ 86،94 پايىزىن قامتيدى. 

2008 جىلدان بەرى ستس Media حالىقارالىق حولدينگىنىڭ قۇرامىندا جۇمىس ىستەپ كەلەدى. «31 ارنانىڭ» حابار تاراتۋ كەستەسى ويىن-ساۋىق، اقپاراتتىق باعدارلامالاردان، تانىمال وتاندىق جانە شەتەلدىك تەلەحيكايالار مەن توك-شوۋلاردان، گولليۆۋدتىق فيلمدەردەن تۇرادى.