مەملەكەت باسشىسى لاتىن ءالىپبيىن تەز ۇيرەنۋدىڭ جولىن ايتتى.
«ءالىپبيدى ەپتەپ ەنگىزۋىمىز كەرەك. مەن كۇندە جاڭا الىپبيمەن جازامىن. ابايدىڭ سوزدەرىن جازىپ وتىرامىن»، - دەدى ەلباسى «جاڭا گۋمانيتارلىق ءبىلىم. قازاق تىلىندەگى جاڭا وقۋلىق» جوباسى اياسىندا شىققان العاشقى وقۋلىقتاردىڭ تۇساۋكەسەرىندە.
بۇعان قوسا نازاربايەۆ مەكتەپتەردە ءالىپبيدىڭ جاقىن ۋاقىتتا ەنگىزىلەتىنىن ايتتى.
«ۇيرەنىپ كەتۋ قيىنعا سوقپايدى. مەكتەپتە ءالىپبيدى سولاي ۇيرەندىك قوي. ءالىپبيدىڭ ەنىپ كەتۋى وتە تەز بولادى دەپ سانايمىن»، - دەدى نازاربايەۆ.
ايتا كەتەيىك، مەملەكەت باسشىسى 2018 جىلدىڭ اقپانىندا لاتىن ءالىپبيىنىڭ جاڭا نۇسقاسىن بەكىتتى. سوڭعى بەكىگەن نۇسقاداعى الىپبيدە كەيبىر ارىپتەر دياكريتيكالىق تاڭبامەن بەلگىلەنگەن.
پىكىر قالدىرۋ