«Annual Investment Meeting» (AIM) جىل سايىنعى VIII ينۆەستيسيالىق فورۋمى اياسىندا «Kazakh Invest» ۇلتتىق كومپانياسى دۋبايدا ءىرى اراب جانە حالىقارالىق كومپانيالارىنىڭ وكىلدەرىمەن ءبىرقاتار كەزدەسۋلەر وتكىزدى.
اتاپ ايتقاندا، «Kazakh Invest» «General Electric»، «Al Ahli Holding Group»، «Al Nowais Investments»، «KAAF Investments»، «Loukil Group»، «Phoenix Global DMCC»، «Royal International Group» كومپانيالار توبىمەن، «Kanoo Group»، «Petromal» جانە باسقالارى سياقتى عالامدىق ويىنشىلارمەن كەلىسوزدەر جۇرگىزىلىپ، كەلىسىمگە قول جەتكىزىلدى.
سونىمەن قاتار ءباا ەكونوميكا مينيسترلىگىمەن، ءباا حالىقارالىق ينۆەستورلار كەڭەسىمەن (MUBADALA، DP World، Emaar، Etisalat، Borouge سياقتى ءىرى كومپانيالار جانە باسقالارى مۇشە بولىپ تابىلاتىن)، ابۋ- دابي ەكونوميكالىق دامۋ دەپارتامەنتى،«Fujairah Free Zone» سەا جانە «Shurooq» شارجا امىرلىگىنىڭ ينۆەستيسيالار جانە دامۋ اگەنتتتىگىمەن كەلىسسوزدەر ءساتتى جۇرگىزىلدى.
سونداي-اق AIM پلەنارلىق سەسسياسىندا «Kazakh Invest» باسقارماسىنىڭ ءتوراعاسى ساپاربەك تۇياقبايەۆ قازاقستان رەسپۋبليكاسىنىڭ ينۆەستيسيالىق مۇمكىندىكتەرىن، ونىڭ ىشىندە، قازاقستان رەسپۋبليكاسىنىڭ ەكونوميكاسىنا ينۆەستيسيا تارتۋ سالاسىنداعى يندۋستريالدى-يننوۆاسيالىق قىزمەتتى مەملەكەتتىك قولداۋ قۇرالدارىن كورسەتتى.
ينۆەستيسيا تارتۋ سالاسىنداعى ەكى جاقتى ءوزارا قارىم-قاتىناستى دامىتۋ ءۇشىن AIM الاڭىندا «Kazakh Invest» پەن «Annual Investment Meeting» اراسىندا ىنتىماقتاستىق تۋرالى كەلىسىمگە قول قويىلدى.
كەزدەسۋ ناتيجەسىندە ترانسۇلتتىق كومپانيالار قازاقستان رەسپۋبليكاسى ەكونوميكاسىنىڭ باسىم سالالارىنداعى ءبىرقاتار ينۆەستيسيالىق جوبالارعا الەۋەتتى قىزىعۋشىلىعىن كورسەتتى.
كەزدەسۋ ناتيجەسىندە «Kazakh Invest» ءباا مەن قازاقستان رەسپۋبليكاسى بيزنەس قاۋىمداستىقتارىنىڭ ينۆەستيسيا تارتۋ، ينۆەستيسيالىق جوبالاردى قوستاۋ جانە ىسكە اسىرۋ ماسەلەلەرى بويىنشا ەكى جاقتى ءوزارا قارىم-قاتىناستى ۇيلەستىرۋدى جوسپارلاپ وتىر.
Annual Investment Meeting (AIM) الەمدەگى حالىقارالىق ينۆەستيسيالىق قاۋىمداستىقتىڭ ديالوگتىق الاڭى رەتىندەگى ەڭ تانىمال، ءىرى، جىل سايىنعى ينۆەستيسيالىق كونفەرەنسيا بولىپ تابىلادى.ينۆەستيسيالىق كونفەرەنسيا باعدارلاماسى سيفرلەۋ، 4.0 يندۋستريا، ينۆەستيسيا تارتۋ بويىنشا مەملەكەتتىك-جەكە سەرىكتەستىك جانە الەمدىك ستراتەگيا تۇرعىسىنداعى تاقىرىپتارداعى ءبىرقاتار پلەنارلىق سەسسيالاردى قامتيدى.
پىكىر قالدىرۋ