ق ر ىشكى ىستەر مينيسترلىگىندە ىشكى ىستەر ورگاندارىنىڭ بيىلعى جىلدىڭ ءبىرىنشى توقسانىنداعى جۇمىس قورىتىندىسى بويىنشا القا وتىرىسى ءوتتى، دەپ حابارلايدى Qamshy.kz اقپارات اگەنتتىگى مينيسترلىكتىڭ باسپا ءسوز قىزمەتىنە سىلتەمە جاساپ. 

مينيستر قالمۇحانبەت قاسىموۆتىڭ توراعالىعىمەن وتكەن القا وتىرىسىنا ءىىم ورتالىق اپپاراتى، ۇلتتىق ۇلاننىڭ باسشىلىق قۇرامى، وڭىرلىك ىشكى ىستەر دەپارتامەنتتەرى، قىلمىستىق اتقارۋ جۇيەسى جانە جەرگىلىكتى پوليسيا قىزمەتى بولىنىستەرىنىڭ باسشىلارى قاتىستى. جيىندا مينيستر ءبىرىنشى توقساندا 65،7 مىڭ قىلمىس جانە 7،8 مىڭ قىلمىستىق ارەكەت تىركەلگەنىن اتاپ ءوتتى. بۇل كورسەتكىش وتكەن جىلدىڭ وسى كەزەڭىمەن سالىستىرعاندا 12% جانە 23% تومەن. وسىنىڭ ىشىندە اۋىر قىلمىس (-6%)، توناۋ (-15%)، ۇرلىق (-13%)، زورلىق كورسەتۋ (-16%)، بۇزاقىلىق (-19%) سياقتى قىلمىس تۇرلەرى ايتارلىقتاي ازايعان.

جيىندا ق. قاسىموۆ ۇرلىققا قارسى كۇرەستىڭ 2018-2020 جىلدارعا ارنالعان باعدارلاماسىن ىسكە اسىرۋ بويىنشا بەلسەندىلىكتى ارتتىرۋ قاجەتتىگىن باسا ايتتى. جىل باسىنان بەرى وسى باعدارلاما اياسىندا وڭىرلەردەگى جەدەل جاعدايدى ساۋىقتىرۋ جانە قىلمىستىڭ الدىن الۋ بويىنشا 42 800 ناقتى ءىس-شارا قابىلدانعان.

القا وتىرىسى بارىسىندا قىلمىستىق سوت ءوندىرىسىن جاڭعىرتۋعا باعىتتالعان قىلمىستىق-پروسەسسۋالدىق زاڭنامانىڭ جاڭا تالاپتارىن قولدانۋ پروبلەمالارى مەن ىس-تاجىريبەلەرى، ەسىرتكى قىلمىسىنا قارسى كۇرەس شارالارى، قىلمىستىق اتقارۋ جۇيەسىنىڭ پروباسيا قىزمەتىن جەتىلدىرۋ ماسەلەلەرى جان-جاقتى تالقىلاندى.

جيىندى قورىتىندىلاعان ىشكى ىستەر ءمينيسترى ق. قاسىموۆ مەملەكەت باسشىسىنىڭ قازىرگى ۋاقىتتاعى تاپسىرمالارىن ىسكە اسىرۋعا باعىتتالعان ءبىرقاتار ماڭىزدى ماسەلەلەردى اتاپ كورسەتتى. سونداي-اق، ىشكى ىستەر ورگاندارى قىزمەتىنىڭ بارلىق سالاسىندا ءتارتىپ پەن زاڭدىلىقتى ساقتاۋ، اسكەري جانە قىزمەتتىك دايىندىقتى نىعايتۋعا قاتىستى تاپسىرما بەردى.