ق ر ەنەرگەتيكا مينيسترلىگى مۇناي ونەركاسىبىن دامىتۋ دەپارتامەنتىنىڭ ديرەكتورى قۋانىش قۇدايبەرگەنوۆ قازاقستانداعى بەنزين مەن ديزەلدىك وتىننىڭ جيىنتىق قورىن اتادى، دەپ حابارلايدى قازاقپارات.

«ىشكى نارىقتاعى احۋال بويىنشا تانىستىرىپ وتسەم، 2018 جىلدىڭ 12 ساۋىرىندەگى جاعداي بويىنشا اي-92 ماركالى بەنزينىنىڭ جيىنتىق قورى 330 مىڭ توننانى قۇراپ وتىر. ال ديزەلدىك وتىن بويىنشا جيىنتىق قور - 325 مىڭ توننا. جالپى جاعداي تۇراقتى. مۇناي ونىمدەرىن ءوندىرۋدى شەكتەۋ بايقالمايدى»، - دەدى قۋانىش قۇدايبەرگەنوۆ وكق-دا وتكەن بۇگىنگى ءباسپاسوس ءماسليحاتىندا.

ونىڭ ايتۋىنشا، وتاندىق مۇناي-وڭدەۋ زاۋىتتارىن جاڭعىرتۋ باعىتىندا اۋقىمدى جۇمىستار بىتۋگە تاياپ قالعان.

«اتاپ ايتقاندا، پاۆلودار ءموز جاڭعىرتۋ جۇمىسىن اياقتادى، اتىراۋ ءموز بارلىق مەحانيكالىق شارۋالارىن اياقتاپ، قازىرگى ۋاقىتتا قالعان جۇمىستى تارتىپكە كەلتىرۋدە. اتىراۋ موز-دە كاتاليتيكالىق كرەكينگ ورناتىلىپ، ول زاۋىتتاعى بەنزيندى ەكى ەسەگە كوپ وندىرۋگە قول جەتكىزىلگەنىن ەستىگەن بولارسىزدار. سونداي-اق، شىمكەنت ءموز-دى جاڭعىرتۋ جۇمىستارى اياقتالۋعا جاقىن»، - دەپ ءتۇيدى قۋانىش قۇدايبەرگەنوۆ.