قاراعاندى وبلىسىندا وزەننىڭ ارناسىنان اسۋى سالدارىنان ەكى جەكە ءۇيدى سۋ باستى، دەپ حابارلايدى قازاقپارات. 

«بيىل 12 ساۋىردە ساعات 20:03-تە سابىر قوجا وزەنىنىڭ ارناسىندا سەڭ ءۇيىندىسىنىڭ جينالۋى سالدارىنان قاراعاندى وبلىسى وساكاروۆ اۋدانى نيكولايەۆكا ەلدى مەكەنىنە جاقىن ماڭدا وزەن ارناسى قىسقا ۋاقىتقا تاسىپ، وعان جاقىن ورنالاسقان جەكە ۇيلەردىڭ 20 اۋلاسىن سۋ باستى»، - دەلىنگەن ۆەدومستۆونىڭ حابارلاماسىندا.

21:30-دا قاراعاندى وبلىستىق تجد بولىمشەلەرى مەن جەرگىلىكتى اتقارۋشى ورگاندارىنىڭ كۇشىمەن ارىق قازىلىپ، وزەن ارناسىنىڭ بۇرىنعى قالىپپەن اعۋى قامتاماسىز ەتىلدى. جاعداي تولىعىمەن تۇراقتالدى. ەشكىم زارداپ شەكپەدى.

13 ساۋىردە ساعات 08:00-دە سۋ تاسقىنى بولعان جەردە وزەن ارناسىن سانيتارلىق تازالاۋ جۇمىستارى جۇرگىزىلىپ جاتىر.