تاجىكستان پرەزيدەنتى ەمومالي راحموننىڭ تىك ۇشاعى تاۋدا تۇماندا اداسىپ كەتتى. پرەزيدەنت پەندجيكەنتكە ناۋرىزدى تويلاۋ ءۇشىن ۇشىپ بارا جاتقان، دەپ حابارلايدى Qamshy.kz اقپارات اگەنتتىگى "دجۋمحۋريات"-قا سىلتەمە جاساپ.
راحمون سوگديي وبلىسىنا 28 ناۋرىزدا ساعات 8:30-دا ۇشىپ كەلۋى كەرەك ەدى. 2 اپتا وتكەننەن كەيىن عانا پرەزيدەنتتىڭ تىك ۇشاعى اۋا رايىنىڭ قولايسىزدىعىنان دىتتەگەن جەرگە جەتپەي قونۋعا تۋرا كەلگەنى حابارلاندى.
راحموننىڭ تىك ۇشاعى ۆارزوبسك اۋدانىنا قونعان. جەرگىلىكتى تۇرعىندار پرەزيدەنتتىڭ كەلگەنىن ەستىپ تىك ۇشاقتىڭ جانىنا جينالعان. ءبىر ايەل اداسىپ كەتكەن قوناقتارعا ءبالىش پەن ىستىق شاي اكەپ بەرگەن.
بىرنەشە ساعاتتان كەيىن پرەزيدەنتتى ۆارزوبسك اۋدانىنىڭ ءتوراعاسىنىڭ كولىگىمەن الىپ كەتتى.
پىكىر قالدىرۋ