ۇلىبريتانيا پاتشايىمى II ەليزاۆەتا مۇحاممەد پايعامباردىڭ تىكەلەي ۇرپاعى بولۋى مۇمكىن. بۇل تۋرالى The times پورتالى حابارلادى.

شەتەلدىك باسىلىمداردىڭ دەرەگىنە سۇيەنسەك، II ەليزاۆەتا يسپانيانى بيلەگەن مۇسىلمان كورولدەرىنىڭ تۋىسى. وعان دالەل رەتىندە باسىلىمدار پاتشايىمنىڭ 40-بۋىنعا دەيىنگى شەجىرەسىن كەلتىردى. ماقالا اۆتورى مۇنداي تۋىستىقتى «ەكى ءدىن اراسىنداعى كوپىر» دەپ اتادى.

مۇسىلمان ەلدەرى بۇل اقپاراتقا قىزىعۋشىلىق تانىتىپ، ءتىپتى ماروككولىق كەي بلوگەرلەر «پاتشايىمدى ساقتاي گور، اللا!» دەگەن سىندى جازبالار دا قالدىرعان.

The Times مالىمدەگەندەي، مۇنداي العاشقى تەوريا 1986 جىلى «بەركتىڭ پەرلەر كىتابىندا» جازىلعان. كىتاپ باسپاگەرى گارولد برۋكس-بەيكەر ول ۋاقىتتاردا بىلاي دەگەن ەدى: «بريتاندىقتار پاتشايىمنىڭ مۇحاممەد پايعامباردىڭ تۋىسى ەكەنىن بىلە بەرمەيدى. الايدا مۇسىلمان دىنىندەگى باسشىلار مۇنى ماقتان تۇتادى».

تاريحشى ديەۆيد ستاركي تەوريانىڭ وتە قىزىقتى ەكەنىن، الايدا دالەلدەنبەگەنىن ايتتى.

عالىم ريچارد كونيسبۋرگ دەرەكتى ەش كۇمانسىز دەپ كەلتىردى. ونىڭ ايتۋىنشا، انگليا مەن يسپانيا اراسىندا ارالاس نەكە كوپ كەزدەسكەن. «ورتا عاسىرلاردا يسپانيا مونارحتارى مەن يسلام پاتشالىعىنىڭ ءۇيى بىر-بىرىنە جاقىن بولعان»، - دەپ كەلتىردى ينوتۆ.